Зоғча

Зоғча
Таснифи илмӣ
Номи илмӣ
Coloeus monedula
Викинамуд Викианбор

Зоғча (лот. Coloeus monedula) — парандаест аз ҷинси зоғҳо.

Тавсиф

Дарозиаш 34–39 см, вазнаш 175–280 г. Пару болаш си­ёҳ­тоб, сару гарданаш хокистарии нуқрагун. Инабияи чашмаш сафед, гоҳо сабзи баланд ё кабудча. Бештар дар қисми ғарбии Авруосиё (ғайр аз шимоли Скандинавия) ва Африқои Шимолӣ дучор ме­ояд. Парандаҳои шимолӣ ва шарқӣ кӯчӣ бу­да, зимистонро дар ҷануби ареали худ мегузаронанд. Зоғча дар шахсори соҳилҳо, ҷан­галҳои камдарахт, маҳалҳои аҳолини­шин, иморатҳои куҳна ва ам­соли онҳо зиндагӣ мекунад. Зимистон селаи зоғчаҳоро дар кӯчабоғи шаҳрҳо низ метавон дучор омад.

Зоғча дар Тоҷикистон парандаи муқар­рарист. Тобистонро дар кӯҳ­ҳо (баландии 1500–4000 м аз с. б.), зимис­тонро дар домана­кӯҳҳо ва ҳам­во­риҳо мегузаронад. Дар иморатҳои куҳна, сим­чӯбҳо, пулҳои калон лона мегузорад. Зоғчаи модина моҳи апрел 4–6 тухм гузошта, онҳоро 17–18 рӯз мехобонад. Чӯҷаҳо баъ­ди 30–35 рӯзи аз тухм баромаданашон парвозӣ мешаванд. Ғизои зоғча ҳаша­рот, кирм, меваҳои афтода, тухми руста­нӣ, пар­товҳои рӯз­гор ва ғ. мебошад.

Адабиёт

• Зоғча // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.