Зоҳир Дӯстматов

Зоҳир Дӯстматов
Таърихи таваллуд:	10 феврал 1914(1914-02-10)
Зодгоҳ:	Хуҷанд, Вилояти Самарқанд, генерал-губернатории Туркистон, Русияи подшоҳӣ
Таърихи даргузашт	6 феврал 1967(1967-02-06) (52 сол)
Маҳалли марг:	Душанбе, ҶШС Тоҷикистон, ИҶШС
Касб:	ҳунарпешаи театр, ҳунарпешаи синамо, коргардони театр
Ҷоизаҳо:
IMDb:	ID 10872551

Зоҳир Дӯстматов (10 феврал 1914, Хуҷанд, генерал-губернатории Туркистон — 6 феврал 1967, Душанбе) — коргардони театр, ҳунарпешаи театру синамои тоҷик ва шӯравӣ. Ҳунарпешаи халқии ҶШС Тоҷикистон (1957).

Зиндагинома

Зоҳир Дӯстматов 10 феврали 1914 дар шаҳри Хуҷанд ба дунё омадааст. Инс­титути давлатии санъати театрии ба номи А. Луначарскийи шаҳри Маскавро соли 1941 хатм карда, муддате дар Театри давлатии академӣ-драмавии ба номи Лоҳутӣ фаъолият доштааст, солҳои 1942—1945 ҳунарпеша ва кор­гардони Театри мусиқӣ-мазҳакаи шаҳри Хуҷанд, аз соли 1946 то поёни умр ҳунарпешаи Театри Лоҳутӣ буд.

Нақшҳо дар театр

Дар театр дар пиесаҳои

• «Шаби 28» Икроми — Сартарош
• «Тӯҳфа барои хушхабар» Зокиров — Тешабобо
• «Таърифхоҷаев» А. Деҳоти ва Б. Раҳимзода — Акталиев
• «Любов Яровая» — Горностаев ва диг. нақшҳоро офаридааст.

Филмошиносӣ

Дар синамои тоҷик дар филмҳои «Дохунда», «Дӯсти ман Наврӯзов», «Чароғ дар кӯҳсор», «12 соати ҳаёт», «Коваи оҳангар», «Қисмати шоир», «Марги судхӯр» ва ғайра нақш офаридааст. Барҷастатарин комёбии эҷодиаш симои Қорӣ Ишкамба аз филми бадеии «Марги суд­хӯр» мебошад, ки ӯ хислату характери қаҳрамонашро ҳама­ҷиҳата кушода тавонист.

Ҷоизаҳо

Бо орденҳои Байрақи Сурхи Меҳнат, «Нишони Фахрӣ», медалҳо ва Грамотаи Фахрии Президиуми Совети Олии Тоҷикистон сарфароз шудааст.