Илйинский Игор Владимирович

Илйинский Игор Владимирович
русӣ: Игорь Владимирович Ильинский
Таърихи таваллуд	11 (24) июли 1901
Зодгоҳ	Маскав, Русияи подшоҳӣ
Таърихи даргузашт	13 январи 1987(1987-01-13)[…] (85 сол)
Маҳалли даргузашт	Маскав, ИҶШС
Шаҳрвандӣ	Русияи подшоҳӣ  ИҶШС  Ҷумҳурии Русия[d]  ҶШФСР (1917—1922)[d]
Касб	ҳунарпеша, коргардони филм, коргардони театр, омӯзгори театр, коргардон, омӯзишгар
Солҳои фаъолият	аз 1918
Ҷоизаҳо
IMDb	ID 0407970
Парвандаҳо дар Викианбор

Илйинский Игор Владимирович (24.7.1901, Маскав – 13.1.1987, ҳамон ҷо) — актёр ва коргардони театр ва кинои шӯравӣ. Артисти халқии ИҶШС (1949). Қаҳрамони Меҳнати Сотсиалистӣ (1974).

Фаъолият

Ҳунарпешаи Театри ба номи В. Ф. Комиссаржевскийи Маскав (1918–20), Театри ба номи В. Э. Мейерхолд (1920–35), ҳунарпеша ва коргардони киностудияҳои «Украинфилм» (1935–36), «Мосфилм» (1936–37), Театри хурди Маскав (1938–87). Маҳорату малакаи баланди Илйинский дар нақшҳои Муросочӣ, Присипкин («Мистерия-буфф», «Кана»-и В. Маяковский), Аркашка Счастливсев («Беша»-и А. Н. Островский), Расплюев («Тӯйи Кречинский»-и А. В. Сухово-Кобилин), Аким («Дар Зулмот»-и Л. Н. Толстой), Хелестаков («Муфаттиш»-и Н. В. Гогол), Шмага («Гунаҳгорони бегуноҳ»-и А. Н. Островский) ва ғ. хеле барҷаста зоҳир гаштааст. Илйинский дар филмҳои «Аэлита», «Мурофиаи се миллион», «Мисс Менд», «Лӯхтаки миллиондор» ва ғ. нақшҳои ҷолиб офарида, машҳур шуда буд. Нақши Бивалов дар филми «Волга-Волга» яке аз муваффақиятҳои намоёни фаъолияти эҷодии ӯст.

Ҷоизаҳо

Дорандаи Мукофоти давлатии ИҶШС (1941, 1942, 1951). Бо 3 ордени Ленин сарфароз гардидааст.

Адабиёт

Илйинский Игор Владимирович // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.