Илюшин Сергей Владимирович

Илюшин Сергей Владимирович
русӣ: Сергей Владимирович Ильюшин
Таърихи таваллуд	18 (30) март 1894
Зодгоҳ	Дилялево, Vologodsky Uyezd[d], Vologda Governorate[d], Русияи подшоҳӣ
Таърихи даргузашт	9 феврал 1977(1977-02-09)[…] (82 сол)
Маҳалли даргузашт	Маскав, ИҶШС
Кишвар	Русияи подшоҳӣ  ИҶШС
Фазои илмӣ	aircraft industry[d]
Ҷойҳои кор	Ил (тайёраҳо) Central Aerohydrodynamic Institute[d]
Дараҷаи илмӣ:	доктори илмҳои техникӣ[d]
Алма-матер	Zhukovsky Air Force Engineering Academy[d] (1926)
Шогирдон	Genrikh Novozhilov[d]
Ҷоизаҳо
Вебгоҳ	ilyushin.org​(рус.)
Имзо
Парвандаҳо дар Викианбор

Сергей Владимирович Илюшин (30.3.1894, деҳаи Дилялево, губ. Вологда – 9.2.1977, Маскав), авиаконструктори шӯравӣ, акад. АИ ИҶШС (1968), генерал-полковники умури муҳандисию техникӣ (1967), се карат Қаҳрамони Меҳнати Сотсиалистӣ (1941, 1957, 1974). Аз соли 1919 дар Артиши Шӯравӣ ҳамчун авиамеханик, коменданти ҳарбии поезд-устохонаи авиатсионии Артиши 6-ум, аз соли 1921 сардори поезд-устохонаи авиатсионии Артиши қафқозӣ (артиши Кубан ва Қафқоз) буд.

Зиндагинома

Хатмкардаи Академияи ҳарбии ҳавоии муҳандисии ба номи Н. Е. Жуковский (1926). Соли 1931 Бюрои конструкторӣ ташкил дода, ба кори он роҳбарӣ кард. Дар аввалин ҳавопаймоҳои ҷангии ӯ СКБ-26 рекордҳои ҷаҳонии баландпарвозӣ гузошта шуда, бо СКБ-30 (СКБ-30Ф) (1936) дар солҳои 1938–39 парвозҳои тӯлонии Маскав – ш. Владивосток ва Маскав – ҷаз. Миску (Амрикои Шимолӣ) анҷом дода шуданд. Аз соли 1935 Илюшин Сергей Владимирович сарконструктор, солҳои 1956–70 конструктори кулл. Ҳавопаймоҳои ҳамлавии Ил-2 (1939), Ил-8, Ил-10 (1943), Ил-16 ва аввалин дар таърихи ҳавопаймоӣ (авиатсия) ҳавопаймои ҳамлавари реактивии Ил-40, ҳавопаймоҳои бомбаандози Ил-4, Ил-6 (1943), ҳавопаймои реактивии таҷрибавии Ил-22 (аввалин ҳавопаймои реактивии бомбаандози шӯравии Ил-28), ҳавопаймоҳои мусофирбари Ил-12 (1946), Ил-14 (1951), ҳавопаймои бисёрҷояи турбовинтии Ил-18 (1957), ҳавопаймои турбовентилятории байниқитъавии Ил-62 (1962), ҳавопаймои боркаши Ил-76 (аэробус) дар Бюрои конструктории Илюшин Сергей Владимирович сохта шудаанд. И. дар баробари сохтани ҳавопаймоҳои гуногуни ҳарбиву гражданӣ дар ҳавопаймосозии шӯравӣ мактаби нав барпо кард. Вакили Шӯрои Олии ИҶШС (даъватҳои 1–7).

Ҷоизаҳо

Ягона шахсест, ки бо 7 Мукофоти сталинӣ (1941, 1942, 1943, 1946, 1947, 1950, 1952), Мукофоти ленинӣ (1960), Мукофоти давлатӣ (1971), 9 ордени Ленин, ордени Револютсияи Октябр ва дигар ордену медалҳо сарфароз гардидааст.

Адабиёт

• Илюшин // Илм — Исҳоқ. — Д. : СИЭМТ, 2019. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 8). — ISBN 978-99947-33-98-9.