Иля Сегалович

Иля Сегалович
русӣ: Илья Валентинович Сегалович
Таърихи таваллуд	13 сентябр 1964(1964-09-13)
Зодгоҳ	Нижний Новгород, ҶШФСР[d], ИҶШС
Таърихи даргузашт	27 июл 2013(2013-07-27) (48 сол)
Маҳалли даргузашт	Лондон, Бритониёи Кабир
Кишвар	ИҶШС  Русия
Пеша	корофарин, chief technology officer, барномасоз, муҳандиси роёна
Вебгоҳ	iseg.ya.ru​(рус.)
Парвандаҳо дар Викианбор

Иля Валентинович Сегалович (13 сентябри 1964, Горкий, РСФСР, СССР — 27 июли 2013, Лондон, Англия, Британияи Кабир) — барномасози рус, соҳибкори технологӣ ва ходими ҷамъиятӣ. Ҳаммуассиси Яндекс ва Сармутахассиси технологияи он.

Иля Сегалович дар оилаи геофизики шӯравӣ Валентин Сегалович таваллуд шудааст. Айёми кӯдакиашро дар Қазоқистон гузаронидааст. Дар Мактаби ҷумҳуриявии физикаю математика ӯ бо ҳаммуассиси ояндаи Яндекс Аркадий Волож шинос шуд. Соли 1981 ба Донишкадаи кофтукови геологии Маскав ба номи Орҷоникидзе дохил шуд, соли 1986 баъди хатми омӯзишгоҳ ба Институти умумииттифоқии сарватҳои маъданӣ таъйин карда шуд.

Соли 1990 Сегалович бо даъвати Аркадий Волож ба сифати барномасоз ба ширкати тичоратии «Аркадия» омад. Соли 1993 сардори шуъбаи таҳияи системаи ҷустуҷӯии CompTek шуд. Пешрафтҳо дар соҳаи ҷустуҷӯи сегменти кириллӣ дар Интернет боиси таъсиси системаи ҷустуҷӯии Яндекс дар соли 1997 гардид.

Иля Сегалович аз рӯзи таъсиси Яндекс то маргаш вазифаи Сармутахассиси технологӣ, меъмори асосии технологияҳои ҷустуҷӯ ва ташаббускори бисёре аз маҳсулоти ширкат, масалан Яндекс.Direct, ёрдамчии овозии "Алиса" ва як мошини бесарнишин буд.

Сегалович яке аз ташаббускорони таъсиси Корпуси миллии забони русӣ, Ҷоми Яндекс буд. Якҷоя бо ҳамсараш 5 фарзандро ба воя расонида, сарпарастии ташкилоти ҷамъиятии «Маркази санъат» «Фарзандони Мария», ки ба рушди кӯдакони ятим ва кӯдакони имконияташон маҳдуд нигаронида шудааст. Ӯ 27 июли соли 2013 бар асари варами майна даргузашт.