Илҳомуддин Иброҳимзода

Илҳомуддин Иброҳимзода
Илҳомуддин Раҷабалӣ Иброҳимзода
Таърихи таваллуд	15 июни 1980(1980-06-15) (46 сол)
Зодгоҳ	Тоҷикистон
Кишвар	Тоҷикистон
Фазои илмӣ	иқтисод
Ҷойҳои кор	Вазорати маориф ва илми Ҷумҳурии Тоҷикистон, Донишгоҳи славянии Русияву Тоҷикистон, Донишгоҳи байналмилалии сайёҳӣ ва соҳибкории Тоҷикистон, Донишгоҳи миллии Тоҷикистон
Дараҷаи илмӣ:	доктори илмҳои иқтисод (2019)
Унвонҳои илмӣ	профессор
Алма-матер	Донишкадаи андоз ва ҳуқуқи Тоҷикистон (2002)

Илҳомуддин Раҷабалӣ Иброҳимзода (зод. 15 июни 1980, Тоҷикистон) — иқтсиодшинос, доктори илмҳои иқтисод (2019), профессор, академики Академияи байналмилалии нақлиёти Федератсияи Русия. Муовини вазири маориф ва илми Ҷумҳурии Тоҷикистон (аз соли 2026).

Зиндагинома

Илҳомуддин Иброҳимзода 15 июни соли 1980 дар Ҷумҳурии Тоҷикистон таваллуд шудааст. Соли 2002 Донишкадаи андоз ва ҳуқуқи Тоҷикистонро бо ихтисоси «иқтисодчӣ-нозири андоз» хатм кардааст. Соли 2006 рисолаи номзадӣ ва соли 2019 дар Донишгоҳи давлатии иқтисодии Санкт-Петербург рисолаи докториро бомуваффақият ҳимоя намудааст.

Фаъолияти корӣ

Дар солҳои гуногун ба ҳайси омӯзгор, мудири кафедра, проректор ва декани факултети молиявию иқтисодии Донишгоҳи миллии Тоҷикистон фаъолият намудааст.

• Аз 7 январ то 3 ноябри соли 2025 — директори Институти илмию таҳқиқотии сайёҳӣ ва соҳибкории Донишгоҳи байналмилалии сайёҳӣ ва соҳибкории Тоҷикистон;
• Аз 3 ноябри соли 2025 то 17 июли соли 2026 — ректори Муассисаи байнидавлатии таҳсилоти олии Донишгоҳи славянии Русияву Тоҷикистон;
• Аз 17 июли соли 2026 — муовини вазири маориф ва илми Ҷумҳурии Тоҷикистон таъин шудааст.

Фаъолияти илмӣ

Илҳомуддин Иброҳимзода муаллифи зиёда аз 400 асар ва нашрияҳои илмӣ, аз ҷумла монографияҳо ва китобҳои дарсӣ мебошад. Пажӯҳишҳои ӯ бештар ба масоили иқтисодиёт ва рушди соҳибкорӣ нигаронида шудаанд.

Ҷоизаҳо

• Ҷоизаи давлатии ба номи Исмоили Сомонӣ (барои олимони ҷавон);
• Медали «Барои хизматҳои шоиста».