Исмоили Ҷурҷонӣ

Исмоили Ҷурҷонӣ
Исмоили Ҷурҷонӣ
	форсӣ: اسماعیل گرگانی‎
Таърихи таваллуд	1040
Зодгоҳ	Гургон, Эрон;
Таърихи даргузашт	1136
Маҳалли даргузашт	Марв, Салҷуқиён;
Кишвар	Хилофати Аббосиён;
Фазои илмӣ	пизишкӣ
	Парвандаҳо дар Викианбор

Исмоили Ҷурҷонӣ (форсӣ: اسماعیل جرجانی‎, Абӯиброҳим Исмоил ибни Ҳасан ал-Ҳусайнӣ ал-Ҷурҷонӣ; 1045 — 1137) — олими намоёни соҳаи тиб.

Зиндагинома[вироиш | вироиши манбаъ]

Аслан аз Исфаҳон буда, дар дарбори султонҳои Хоразм ҳамчун табиб ва мутахассиси илми тиб хидмат мекард.

Осор[вироиш | вироиши манбаъ]

Исмоили Ҷурҷонӣ доир ба бахшҳои мухталифи тиб бисёр асарҳои муфид навиштааст. Асари машҳури ӯ «Захираи Хоразмшоҳӣ» як навъ қомуси тиббӣ буда, ба забони форсӣ-тоҷикӣ таълиф ёфтааст. Исмоили Ҷурҷонӣ ғайр аз китоби мазкур ба забони форсӣ-тоҷикӣ асарҳои дигар низ дорад, чунончи «Ағрози тиббия», «Ал-Мабоҳис-ал-Алоия» ва ғ. Ба забони арабӣ низ асарҳо эҷод менамуд. Худи муаллиф «Захираи Хоразмшоҳӣ»-ро ба забони арабӣ бо иловаи як боб тарҷума кардааст. Аз сарчашмаҳо бармеояд, ки Исмоили Ҷурҷонӣ ин асари машҳури худро маҳз барои беҳтар кардани аҳволи мардуми вилояти Хоразм (ва умуман Осиёи Марказӣ) таълиф карда, ба хотири манфиати умум онро ба забони ба халқ дастраси тоҷикӣ навиштааст. ӯ инчунин дар паи эҷоди асари бештар мукаммали тиббӣ буд, ки эҳтиёҷ ба рисолаю китобҳои дигари тиб набошад.