Исмоил Давлатов

Мавод аз Википедиа — донишномаи озод
Jump to navigation Jump to search
Исмоил Давлатов
Исмоил Давлатов
Санаи таваллуд:

25 декабр 1946(1946-12-25)

Зодгоҳ:

ноҳияи Дарвоз, ҶШС Тоҷикистон СССР

Санаи марг:

26 ноябр 2000(2000-11-26) (53 сол)

Маҳалли марг:

Душанбе

Мамлакат:

 Тоҷикистон

Фазои илмӣ:

иқтисодиёт

Ҷойҳои кор:

Донишгоҳи давлатии Тоҷикистон ба номи В.И. Ленин, Вазорати малрифи Тоҷикистон

Дараҷаи илмӣ:

доктори илмҳои иқтисод

Унвонҳои илмӣ:

профессор

Алма-матер:

Донишгоҳи давлатии Тоҷикистон ба номи В.И. Ленин

Исмоил Давлатов (25.12.1946, деҳаи Сағирдашти н. Дарвози ВМКБ – 26.11.2000, ш. Душанбе) — олим, доктори илмҳои иқтисодӣ (1986), профессор (1989), собиқ вазири маорифи Тоҷикистон (1990-1991).

Зиндагинома[вироиш]

Исмоил Давлатов соли 1969 факултаи иқтисодии Донишгоҳи давлатии Тоҷикистон ба номи В.И. Ленинро ба охир расонда, дар кафедраи иқтисоди сиёсии ин ҷо ҳамчун лаборанти калон ба фаъолият пардохт. Солҳои 1972-1975 дар аспирантураи ҳамин донишгоҳ хонда, 1975-1983 ҳамчун муаллими калон, дотсенти кафедраи иқтисоди сиёсии Донишгоҳи давлатии Тоҷикистон ба номи В.И. Ленин, 1984-1986 докторанти Институти молиявӣ-иқтисодии ш. Ленинград (ҳоло ш. Санкт-Петербург), 1986-1988 мудири кафедраи иқтисоди сиёсии Донишгоҳи давлатии Тоҷикистон ба номи В.И. Ленин, 1988-1990 ректори Донишгоҳи давлатии Тоҷикистон ба номи В.И. Ленин, 1990-1991 Вазири маорифи Тоҷикистон буд. Аз соли 1993 то охири умр вазифаҳои муовини Вазири маорифи ҷумҳурӣ, раиси Кумитаи муҳити зисти ҷумҳурӣ, раиси Кумитаи гумруки ҷумҳуриро иҷро кардааст. Ба масоили мухталифи иқтисодӣ сару кор гирифта, талош варзидааст, ки дар ҳалли мушкилоти соҳа саҳм гузорад. Ковиши илмиаш хоса перомуни қонуниятҳои иқтисодии ташаккули комплекси ягонаи хоҷагии халқ, бисёр мушкилоти марбутаи минтақавӣ, вусъати назарияи интеграсияи иқтисодӣ ва ғайра сазовори ситоиш аст. Вусъати таҳқиқ дар ҳамаи корҳои илмиаш ҳувайдост.

Осор[вироиш]

  • Интеграсияи байнирегионалӣ дар системаи иқтисодии сотсиализм. – Д., 1986;
  • Иқтисоди бозаргонӣ. Китоби дарсӣ. – Д., 1994 (ҳаммуаллиф);
  • Межрегиональная интеграция в экономической системе социализма. – Д., 1987;
  • Таджикистана в общесоюзной кооперации труда. – Д., 1979;
  • Экономика Таджикистана за годы Советской власти. – Д., 1987;
  • Дар организми ягонаи хоҷагӣ. – Д., 1983;
  • Иқтисодиёти Тоҷикистон дар солҳои Ҳокимияти Советӣ. – Д.,1987;
  • Таҳлили ҳисоботи нави бухгалтерӣ. – Д., 1993. [1]

Эзоҳ[вироиш]

  1. Арбобони илми тоҷик (асри ХХ-аввали асри ХХI) / Муаллиф-мураттиб Ёрмуҳаммади Сучонӣ. – Душанбе, 2017. – С. 157.