Иттиҳоди Шӯравӣ

Мавод аз Википедиа — донишномаи озод
Ҷаҳиш ба: новбари, Ҷустуҷӯи


Иттиҳоди Ҷумҳуриҳои Шӯравии Сосиалистӣ
Союз Советских Социалистических Республика
Парчам Нишон
LocationUSSR.png
Шиор: «Пролетарҳои ҳамаи мамлакатҳо, як шавед!»
Суруди миллӣ: «Как хорошо мы плохо жили!»
Рӯзи истиқлолият
Забони расмӣ Забони русӣ (де-факто)
Пойтахт Маскав
Шаҳри калонтарин Маскав, Ленинград, Киев, Тошканд, Боку
Идораи давлат Советӣ ҷумҳурӣ
Масоҳат
  • Ҳамагӣ
  • Фоизи об.
1-ум ҷой дар ҷaҳон
22,402,200 км²
0.5 %
Аҳолӣ
  • Ҳамагӣ
  • Зичӣ
3-ум ҷой дар ҷaҳон
293,047,571
нафар/км²
Пули миллӣ рубл
Интернет-Домен .su
Коди телефон +7
Соат UTC +2…+12

Иттиҳоди Шӯравӣ (русӣ: Союз Советских Социалистических Республик, СССР) — кишваре буд ки дар солҳои 19221991 дар бахши бузурге аз шарқи Аврупо ва шимоли Осиё вуҷуд дошт.

Таърих[вироиш]

Давлати Шуравӣ: инқилоби солҳои 1905 – 1917, ҷанги шахрвандӣ, ташкилёбии давлати Шуравӣ, ки аз феврали соли 1917 то охири 1991-ум сол вучуд дошт, бо воқеъаҳои даҳшатнок, барои тамоми ҷомеаи Русия, алоқамандӣ дорад. Бӯҳрони ҷамъиятие, ки дар Русия сар зада буд ба ҷудошавии ҳукумату ҷомеа ва баъдтар ба шӯришҳои солҳои 1902 -1905 оварда расонд. Гарчанде ки ин шӯришҳо бебарор буду ба ивази ҳукуматдорон оварда нарасонд, лекин ин шӯришҳо инқилоби ба соли 1917 рух дода шуда асос гузошт.

Иштироки Русия дар Ҷанги якуми Ҷаҳон (1914 – 1918), ба болоравии нархҳо дар бозор, камшавии молу маҳсулот ва инчунин ба гуруснагии аҳолӣ оварда расонд, дар натиҷа зимистони соли 1917 бӯҳрони сиёсӣ боз ҳам тезу тунд гашт. Феврали соли 1917, шӯриши яроқноке ки дар Санкт – Петербург шуда буд, ба дасткашии Николайи II аз тахт оварда расонд, ки ба ҷои ӯ акнун мамлакатро Ҳукумати муваққатӣ идора мекард. Аммо дар натиҷаи шӯриши соли 1917 ба сари тахт болшевикон омаданд (Партия Коммунистии Русия бо сардории В. И. Ленин). Баъд аз 3 соли ҷанг бо душманони дохиливу хориҷӣ болшевикон тавонистанд Империяи Русро ба даст оранд.

Дар натиҷаи Инқилоб ҷанги Шаҳрвандӣ(солҳои 1917 – 1923) ба амал омад, ки байни болшевикҳо(“сурхҳо”) ва душманони онҳо(“сафедҳо”) мубориза баҳри ҳукмронии давлат мерафт. Барои ба мақсади худ расидан ҳам “сурхҳо” ва ҳам “сафедҳо” террорро истифода бурданд, ки дар натиҷа бештар аҳолии бегуноҳ ранҷ кашиданд. Ғайр аз ин давлатҳои хориҷӣ низ иштирок карданд, онҳо мехостанд, ки давлати Русро суст кунанд ва онро ба қисмҳо ҷудо кунанд. Лекин болшевикон тавонистанд, ки ғалаба кунанд ва сиёсати ягонаро дар Русия ҷорӣ кунанд. Давлати наве, ки ба он масоҳати бештари империяи пештараи Русия дохил мешуд номи Иттиҳоди Ҷамоҳири Шӯравии Сосиалистӣ (ИҶШС) гирифт. Умуман дар натиҷаи ҷанги шаҳрвандӣ ва инқилоб дар Русия: 25млн аҳолӣ ба ҳалокат расид, истеҳсоли саноат 5 маротиба кам шуд, маҳсулоти кишоварзӣ низ 40% кам шуд, қариб тамоми зиёиёни пештара кушта шуда буданд.

Дар ин ҳолатҳои ногувор аз нав барқароркунии иқтисодиёти Русия оғоз гардид. Дар ин вақт бештар ба саноаткунонии мамлакат: саноати мошинасозӣ, кимиявӣ, муассисаи ҳарбӣ, конҳо ва стансияҳои электрикӣ лозим буд. Тараққиёти саноати вазнин зарари худро бештар ба саноати сабуку кишоварзӣ расонид. Ҳаёти одамони оддӣ дар ин давра хело ҳам бад буд: сатҳи зиндагии аҳолии шӯрави паст буд нисбат ба дигар давлатҳо, маҳсулотҳои оддӣ намерасиданд, мушкилоти ҷиддӣ, ки ин таъмини аҳолӣ бо маскан буд боқӣ монд.

Инҷоро ҳам бингаред[вироиш]