Муҳаммадалӣ Комил
Муҳаммадалӣ Комил |
|---|
Муҳаммадалӣ Комил (форсӣ: محمدعلی کامل; — 1719, Бадахшон) — шоири форс-тоҷик.
Зиндагинома
[вироиш | вироиши манбаъ]Зодгоҳаш Бадахшон. Баъди таҳсил дар Бухоро ба Ҳиндустон, Туркистон ва Хитой сафарҳо кардааст. Сипас ба зодгоҳаш баргашта, ба мударрисӣ ва деҳқонӣ машғул шудааст. Дар адабиёт, хаттотӣ ва фалсафа дониши амиқ дошта, дар бораи илми руҳшиносӣ гӯё рисолае навиштааст. Ашъораш хеле хушобуранг аст.
Ин ғазал аз ӯст:
Аз банда агар ҳалли муродот писандӣ,
Шукрест, ки бар қиблаи ҳоҷот писандӣ.
Вайронаи ҷовид бувад Каъбаву масҷид,
Аз нохалафӣ чун ту харобот писандӣ.
Олам ҳама маъмураи дасти ту тавон буд,
Бар хеш агар раҳмати авқот писандӣ.
Куфр аст ба ҳар бому даре саҷда намудан,
То кай ба чунин ҷаҳл хурофот писандӣ?
Натвон зи каси бадгуҳар уммеди вафо кард,
Аз сеҳр чӣ имкон, ки каромот писандӣ.
Комил ба раҳи сидқ, зи исботи тариқат,
Бисёр тавонӣ, ки мубоҳот писандӣ.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Комил // Кашиш — Косон. — Д. : СИЭМТ, 2022. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 10). — ISBN 978-99985-0-006-8.