Леонид Гайдай

Мавод аз Википедиа — донишномаи озод
Jump to navigation Jump to search
Леонид Гайдай
русӣ: Леонид Иович Гайдай
Леонид Гайдай, 1941 год.jpg
Ном ба ҳангоми таваллуд:

русӣ: Леонид Иович Гайдай

Санаи таваллуд:

30 январ 1923(1923-01-30)[1][2][3]

Зодгоҳ:
Санаи марг:

19 ноябр 1993(1993-11-19)[1][2][3] (70 сол)

Маҳалли марг:
Шаҳрвандӣ:
Касб:

коргардони филм, филмноманавис, ҳунарпеша, коргардон

Карера:

19561992

Самт:

комедӣ[d]

Мукофотҳо:
IMDb:

ID 0301145

leonid-gaidai.ru/index.p…
Commons-logo.svg Леонид Гайдай дар Викианбор

Гайда́й Леони́д И́ович (30 январи 1923, Свободний, губернияи Амур19 ноябри 1993, Маскав) — коргардони филм, ҳунарпеша, филмноманависи рус. Артисти халқии ИҶШС (1989). Иштирокдори ҶБВ (1941–1945).

Зиндагинома[вироиш]

Пас аз хатми Институти умумииттифоқии давлатии кинематография (бахши коргардонӣ) аз соли 1955 дар киностудияи «Мосфилм» кор кардааст. Нахустин бор ҳунари хешро дар филми «Домод аз он дунё» (1958) намоиш дод. Филмҳои дар жанри мазҳакаи ҳаҷвӣ бо усулҳои назарфиреб ва шигарфҳои кинои беовози солҳои 1920, инчунин тақлидҳои ҳаҷвомез дар мавзӯъҳои рӯз банаворгирифтааш Леонид Гайдайро шуҳратманд гардониданд.

Леонид Гайдай дар киноновеллаи «Саг Барбос ва кросси ғайриодӣ» (дар маҷмӯаи «Комилан ҷиддӣ», 1961) образҳои Балбес, Трус ва Бивалийро дар ҳамкорӣ бо ҳунарпешагони маъруф Ю. Никулин, Г. Витсин ва Е. Моргунов офарид, ки баъдан онҳо дар филмҳои дигари Леонид Гайдай («Шаробпазҳо», 1962; «Амалиёти Ы ...», 1965; «Асири Қафқоз ...», 1967) ва дигар коргардонҳо (Э. Рязанов, Е. Карслова) дар байни бинандагони сершумор маъруф гаштанд. Филмҳои таҳиякардаи Леонид Гайдай бо возеҳии манзараҳои кинематографӣ, шаклҳои фасеҳ ва ҳассосияти хислатҳои персонажҳо фарқ мекунанд. Бисёр филмҳои ӯ («Мардуми корчаллон», 1963; «Дасти алмосӣ», 1968, Ҷоизаи давлатии ИҶШС, 1970 ва ғ.) ба фонди тилоии кинои Иттиҳоди Шӯравӣ дохил шудаанд. Леонид Гайдай дар филмбардории осори И. Илф ва Е. Петров («12 курсӣ», 1971), М. Булгаков («Иван Василевич касби худро иваз мекунад», 1973), М. Зошенко («Ин ғайримумкин аст!», 1975) аз воситаҳои тасвири тақлиди масхараомез ва хандаовар истифода кардааст. Ӯ солҳои 1980 бештар барои киножурнали ҳаҷвии «Фитил» саҳнаҳо ба навор бардошт. Корҳои маъруфи ӯ дар охири умр: «Барои гӯгирд» (1982, аз рӯйи асари М. Лассиле), «Спортлото – 82» (1982), «Ҳавои хуб дар Дерибасковский ...» (1992). Леонид Гайдай муаллифи сенарияи аксари филмҳои ба саҳна гузоштааш мебошад. Филмҳои Леонид Гайдай дар байни тамошобинони тоҷик маҳбубияти хосса доранд.

Эзоҳ[вироиш]

Сарчашма[вироиш]