Лидия Сечкина

Лидия Сечкина
Лидия Сечкина
Таърихи таваллуд	12 марти 1927
Зодгоҳ	Орёл, ҶШФСР[d], ИҶШС;
Таърихи даргузашт	11 январи 2021 (93 сол)
Маҳалли даргузашт	Бустун, Иёлоти Муттаҳидаи Амрико;
Кишвар	Тоҷикистон; ИҶШС; Иёлоти Муттаҳидаи Амрико;
Дараҷаи илмӣ:	доктори илмҳои таърих[d]
Алма-матер	Факултети забонҳои шарқи Донишгоҳи Санкт-Петербург[d];

Лидия Сечкина (русӣ: Лидия Петровна Сечкина; 12 марти 1927^[1], Орёл — 11 январи 2021, Бустун) — таърихнигори шӯравӣ ва тоҷикистонӣ, доктори илмҳои таърих, профессор, Корманди шоистаи маданияти Тоҷикистон.

Зиндагинома

Лидия Петровна Сечкина 12 марти соли 1927 дар шаҳри Орёл таваллуд шудааст. Соли 1951 баъди хатми факултаи шарқшиносии Донишгоҳи Ленинград ба сифати муаррихи шарқшинос ба филиали Академияи илмҳои Иттиҳоди Шӯравӣ дар Тоҷикистон, ки ҳамон сол ба Академияи илмҳои Тоҷикистон табдил ёфт ва имрӯз ниҳоди миллии илмист, ба кор даъват шуд. Замони ба кор омадани Лидия Сечкина устод Садриддин Айнӣ президенти Академияи илмҳои кишвар буд. Ҳамин тавр, фаъолияти муаррих ба Тоҷикистон пайваст ва ӯ шуруӯъ аз соли 1951 то соли 1992 дар Институти таърих, бостоншиносӣ ва мардумшиносии АИ ба сифати ходими хурд, ходими калон ва ходими пешбари илм фаъолият кард. Дар ин ҷо рисолаи номзадиву докторӣ дифо намуд ва барои омӯзиши таърихи Тоҷикистон нақши мунир гузошт. Бо шуруъ шудани ҷанги шаҳрвандӣ соли 1993 Лидия Сечкина ҳамроҳи оилааш ба Амрико кӯч баст^[2].

Таълифот

Тӯли фаъолияти хеш дар Тоҷикистон Л. П. Сечкина зиёда аз 70 асари илмӣ нашр кард, ки муҳимтарини онҳо китобҳои «Доблестные сыны Таджикистана на фронтах Отечественной войны (1941—1945 гг.)»; «Твои герои, Таджикистан: Об участниках Великой Отечественной войны из Таджикистана, удостоенных звания Героя Советского Союза»; «Таджикистан в годы Великой Отечественной войны, 1941—1945» мебошад. Таълифоти охири Л. Сечкина дар ҷилди 5-уми китоби «Таърихи халқи тоҷик» (2012) ба нашр расидааст.

Даргузашт

Лидия Сечкина 11 январи соли 2021 дар шаҳри Бостони ИМА бар асари бемории куруно даргузашт^[3].

Эзоҳ

1 2 https://www.google.com/books/edition/Historical_Dictionary_of_Tajikistan/OsllDwAAQBAJ (ингл.) — list of Google domains.
↑ Одил Нозир. Муаррихи тоҷик Лидия Сечкина дар Амрико даргузашт(тоҷ.). Pressa.tj (13 Январ 2021). 19 Декабри 2024 санҷида шуд.
↑ Камолудин Абдуллоев. Не стало Лидии Сечкиной – ведущего историка Таджикистана(рус.). www.asiaplustj.info. ASIA-Plus (12 Январ 2021). 19 Декабри 2024 санҷида шуд.

[_ef157322b2bbcdb5-1] 1 2 https://www.google.com/books/edition/Historical_Dictionary_of_Tajikistan/OsllDwAAQBAJ (ингл.) — list of Google domains.

[2] Одил Нозир. Муаррихи тоҷик Лидия Сечкина дар Амрико даргузашт(тоҷ.). Pressa.tj (13 Январ 2021). 19 Декабри 2024 санҷида шуд.

[3] Камолудин Абдуллоев. Не стало Лидии Сечкиной – ведущего историка Таджикистана(рус.). www.asiaplustj.info. ASIA-Plus (12 Январ 2021). 19 Декабри 2024 санҷида шуд.

[1]

[2]

[3]