Мастон Шералӣ

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Мастон Шералӣ
Навъи фаъолият:

нависанда

Санаи таваллуд:

20 апрели соли 1935

Зодгоҳ:

Панҷакент

Мастон Шералӣ - 20 апрели соли 1935 дар қишлоқи Зери Ҳисори ҷамоати деҳоти Рӯдакии ноҳияи Панҷакент дар оилаи колхозчӣ ба дунё омадааст. Дар соли 1959 факултаи филологии Университети давлатии Тоҷикистон ба номи В. И. Ленинро(ҳозира Донишгоҳи давлатии миллии Тоҷикистон) хатм намудааст.

Шеърҳои аввалини ӯ дар охирҳои соли 50-ум дар рӯзномаву маҷаллаҳои Тоҷикистон нашр мешуданд. Ӯ муаллифи чунин асарҳо мебошад: «Мавҷҳои Зарафшон», «Илҳом», «Реша дар об», «Ситораҳо» Мастон Шералӣ драматург низ мебошад. Песаҳои «Зол ва Рӯдоба», «Зебунисо»-ро ӯ навистааст. Мастон Шералӣ асарҳои «Красная зима»-и В. Сосюрӣ, «Песня аула»-и Расул Ғамзатов, «Здравствуйте»-и А. Кешков ва ғайраро ба забони тоҷикӣ тарҷума намудааст. Бисёр асарҳои ӯ ба дигар забонҳои собиқ Иттиҳоди Шӯравӣ тарҷума шудааст. Ӯ аз соли 1964 узви Иттифоқи нависандагони ИҶСШ мебошад.