Jump to content

Мақсуди Ҳусайн

Мавод аз Википедиа — донишномаи озод
Мақсуди Ҳусайн
Мақсуди Ҳусайн
Таърихи таваллуд 28 феврал 1954(1954-02-28)
Зодгоҳ шаҳри ноҳияи Бобоҷон Ғафуров
Таърихи даргузашт 10 ноябр 2000(2000-11-10)

Мақсуди Ҳусайн - рӯзноманигор (журналист), адиб, Узви Иттифоқи нависандагони Тоҷикистон ва Иттифоқи журналистони Тоҷикистон Аълочии матбуоти Ҷумҳурии Тоҷикистон ва Аълочии фарҳанги Ҷумҳурии Тоҷикистон буд.

Зиндагинома[вироиш | вироиши манбаъ]

Мақсуди Ҳусайн (1954-2000) 28 феврали соли 1954 дар ноҳияи Бобоҷон Ғафурови вилояти Ленинобод (ҳозира вилояти Суғд) таваллуд шудааст. Бахши журналистикаи факултаи филологияи тоҷики Университети давлатии Тоҷикистон ба номи В.И.Ленин (Донишгоҳи миллии Тоҷикистон)-ро соли 1976 хатм намудааст. Ҳанӯз дар давраи мактабхониаш навиштаҳои ӯ дар рӯзномаҳои «Пионери Тоҷикистон», «Комсомоли Тоҷикистон», маҷаллаи «Машъал» ба табъ мерасиданд. Солҳои зиёде дар рӯзномаи «Тоҷикистони советӣ» ба сифати мухбир фаъолият намуда, малакаи касбии хешро тақвият бахшидааст. Соли 1991 ба рӯзномаи «Садои мардум» — нашрияи Шӯрои Олии Ҷумҳурии Тоҷикистон (ҳоло Маҷлиси Олии Ҷумҳурии Тоҷикистон) ба кор даъват шуд ва то соли 1996 дар ин идора ба сифати хабарнигор ифои вазифа намуд. Солҳои 1996-2000 дар ҳафтаномаҳои «Ҳафтганҷ», «Сомон» ва рӯзномаи «Чархи гардун» кор кардааст. 10 ноябри соли 2000 дар шаҳри Душанбе фавтидааст. Барандаи Ҷоизаи Иттифоқи журналистони Тоҷикистон ба номи Абулқосим Лоҳутӣ.[1]

Эзоҳ[вироиш | вироиши манбаъ]