Назирмад Мӯсоев

Назирмад Мӯсоев
Назирмад Мӯсоев
Таърихи таваллуд:	22 декабр 1952
Зодгоҳ:	Даштиҷум, деҳоти Даштиҷум, ноҳияи Шамсиддин Шоҳин, Тоҷикистон;
Таърихи даргузашт	15 май 2021 (68 сол)
Маҳалли марг:	Душанбе, Тоҷикистон;
Шаҳрвандӣ:	ИҶШС; Тоҷикистон;
Касб:	ҳунарпешаи театр, ҳунарпешаи синамо, ҳунарпешаи телевизиюн, садогузор, садопеша
Ҷоизаҳо:	Ҳунарпешаи шоистаи Тоҷикистон (1998) Ҳунарпешаи халқии Тоҷикистон (2017)
IMDb:	ID 0615813

Назирмад Мӯсоев (Ниёзаҳмад Мӯсоев; 22 декабри 1952, деҳаи Даштиҷум, ноҳияи Шӯрообод, вилояти Кӯлоб, ҶШС Тоҷикистон — 15 майи 2021, Душанбе, Тоҷикистон) — ҳунарпешаи театр ва синамои тоҷик, садопеша, Ҳунарпешаи шоистаи Тоҷикистон (1995), Ҳунарпешаи халқии Тоҷикистон (2017).

Зиндагинома

Назирмади Мӯсо 22 декабри соли 1952 дар деҳаи Даштиҷӯми ноҳияи Шӯрообод ба дунё омадааст. Дар хурдӣ ронанда шудан мехост^[1], аммо баъдан ҳангоми таҳсил дар синфи даҳум бо машварати ҳамсабақаш ҳуҷҷатҳояшро ба Донишкадаи ҳунарҳои зебои Тоҷикистон месупорад^[1], пас аз як соли таҳсил ба Институти давлатии ҳунарҳои театрии ба номи А. Луначарскийи шаҳри Маскав роҳхат мегирад^[1] ва онҷоро дар соли 1976 хатм мекунад. Аз ҳамон сол дар Театри ҷавонони ба номи Маҳмудҷон Воҳидов ба фаъолият пардохт ва то охири умр дар ин боргоҳи ҳунар кор кард^[2].

Фаъолият

Театр

Дар беш аз шаст намоиш аз қабили «Арӯс ва домод», «Мавзӯъи озод», «Гирдоби боло», «Таронаҳои муҳаббат», «Умед», «Алафҳои бегона», «Пари қу», «Ғори саламандра», «Суруди зиндагӣ», «Дар ҷустуҷӯи бахт», «Нафси бад балои ҷон», «Илоҷи беилоҷӣ аст», «Тарма»^[3] нақш бозида, ҷаҳони қаҳрамононашро хуб кушодааст.

Синамо

Назирмад Мӯсоев соли 1985 пас аз нақшофарӣ дар филми «Ӯ маро меписандад» («Я ей нравлюсь») маъруф шуд^[4].

Дар филмҳои телевизионии «Парвози хатарнок», «Кӯҳи уқобон», «Тӯй барпо нашуд», «Имтиҳон», «Алии сонӣ», «Рамида», филмҳои бадеии «Ман ба вай маъкул», «Ал-Бухорӣ», «Пуштаи хандақпеч», «Қатора»^[5], «Хоби маймун», «Саҳв» ва ғайра нақш бозидааст.

Даргузашт

Назирмад Мӯсоев 15 майи 2021 дар синни 69-солагӣ ва ҳангоми садопешагӣ дар як филми «Хатлон синамо» дар шаҳри Душанбе бар асари бемории дил даргузашт^[6]^[4]. Нисфирӯзии 16 май ӯро дар оромгоҳи маҳаллаи Қаротегини шаҳри Душанбе дафн карданд^[4].

Эзоҳ

↑ ^1.0 ^1.1 ^1.2 Ҷумъахон Сайдалиев. Назирмади Мӯсо: Ҳатман ба театр бармегардам, Ҷавонони Тоҷикистон № 35 (8736) (30 августи 2002), стр. 6.
↑ Даргузашти ҳунарманди маъруфи театр ва кинои тоҷик Назирмад Мӯсоев(тоҷ.). АМИТ "Ховар". 16 май 2021 санҷида шуд. Баргирифта аз сарчашмаи аввал 16 май 2021.
↑ Нахустнамоиши “Тарма” дар Театри давлатии ҷавонон ба номи М. Воҳидов. www.vfarhang.tj. 18 май 2021 санҷида шуд. Баргирифта аз сарчашмаи аввал 18 май 2021.
↑ ^4.0 ^4.1 ^4.2 Ҳунарманди шинохтаи тоҷик ҳангоми кор дар "Хатлон синамо" ҷон додааст. АКС(тоҷ.). Радиои Озодӣ. 16 май 2021 санҷида шуд.
↑ Қатора(тоҷ.). Тоҷикфилм. 17 май 2021 санҷида шуд.
↑ Sputnik Тоҷикистон. Ҷанозаи ҳунарпеша Назирмад Мӯсоев дар шаҳри Душанбе - навор(тоҷ.). Sputnik Тоҷикистон (20210516T1045+0500). 16 май 2021 санҷида шуд.

Адабиёт

Мӯсоев Назираҳмад // Кӯлоб. Энсиклопедия. — Д.: СИЭМТ, 2006. — 640 с. — ISBN 5-89870-071-4.
Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.

[:1-1] 1.0 ^1.1 ^1.2 Ҷумъахон Сайдалиев. Назирмади Мӯсо: Ҳатман ба театр бармегардам, Ҷавонони Тоҷикистон № 35 (8736) (30 августи 2002), стр. 6.

[2] Даргузашти ҳунарманди маъруфи театр ва кинои тоҷик Назирмад Мӯсоев(тоҷ.). АМИТ "Ховар". 16 май 2021 санҷида шуд. Баргирифта аз сарчашмаи аввал 16 май 2021.

[3] Нахустнамоиши “Тарма” дар Театри давлатии ҷавонон ба номи М. Воҳидов. www.vfarhang.tj. 18 май 2021 санҷида шуд. Баргирифта аз сарчашмаи аввал 18 май 2021.

[:0-4] 4.0 ^4.1 ^4.2 Ҳунарманди шинохтаи тоҷик ҳангоми кор дар "Хатлон синамо" ҷон додааст. АКС(тоҷ.). Радиои Озодӣ. 16 май 2021 санҷида шуд.

[5] Қатора(тоҷ.). Тоҷикфилм. 17 май 2021 санҷида шуд.

[6] Sputnik Тоҷикистон. Ҷанозаи ҳунарпеша Назирмад Мӯсоев дар шаҳри Душанбе - навор(тоҷ.). Sputnik Тоҷикистон (20210516T1045+0500). 16 май 2021 санҷида шуд.

[1]

[2]

[3]

[4]

[5]

[6]