Олучаи суғдӣ

Олучаи суғдӣ
Табақабандии илмӣ
рутбаҳои мобайнӣ Домен: Эукариотҳо Олам: Наботот Шоха: Гулдорон Синф: Дупаллаиҳо Забартартиб: Rosanae Тартиб: Настарангулҳо Оила: Настараниҳо Зероила: Олуиҳо Триба: Amygdaleae Juss., 1789 Ҷинс: Олу Гуна: Олучаи суғдӣ
Номи байнулмилалии илмӣ
Prunus sogdiana
Сомонашиносӣ дар Викигуна Ҷустуҷӯи тасвир дар Викианбор NCBI   391056 IPNI   730285-1 TPL   rjp-15711

Олучаи суғдӣ (лот. Prunus sogdiana) — дарахти мевадорест аз сардаи олу, ки то 5—7 метр қад ме­кашад.

Тавсифоти гиёҳшинохтӣ

Танааш ашҳабии тирагун ё сиёҳтоб, баргаш мудаввар ё тухмшакл (дарозиаш 4,5—7 сантиметр, бараш 2,2—5 сантиметр), гулаш 5-баргаи сафед (диаметраш 1,7—2,6 сантиметр), мевааш сершираи донакдор, мудаввар ё тухмшакли зард, сурхи сиёҳ ё норанҷии гулобӣ (вазнаш ба ҳисоби миёна 2,5—3 грамм; аз ҳама калонаш 7—8 грамм) Моҳи апрел гул мекунад. Мевааш июл — август мепазад. Олучаи суғдӣ 4 хел мешавад: зард, сурх ва ғайра (Prunus sogdiana var. citrina, Prunus sogdiana var. eximia, Prunus sogdiana var. depruinosa, Prunus sogdiana var. atrata). Дар Осиёи Миёна (Помиру Олой ва Тиёншон) мерӯяд. Олучаи суғдӣ хоси ҷангалзори паҳнбарг (800—2480 метр аз сатҳи баҳр) аст. Аз мевааш мураббо, рубъ ва компот тайёр мекунанд; 6,35 % қанд дорад.

Адабиёт

• Олуча // Муҳит — Плеханов. — Д. : СИЭСТ, 1984. — (Энциклопедияи Советии Тоҷик : [дар 8 ҷ.] / сармуҳаррир А. С. Сайфуллоев ; 1978—1988, ҷ. 5).