Ҷаҳиш ба мӯҳтаво

Рухсора Расулзода

Мавод аз Википедиа — донишномаи озод
Расулзода Рухсора
Тағоева Рухсора Расуловна
Таърихи таваллуд 25 сентябри 1995(1995-09-25) (31 сол)
Зодгоҳ ноҳияи Данғара, вилояти Хатлон, Ҷумҳурии Тоҷикистон
Кишвар  Тоҷикистон
Фазои илмӣ идораи давлатӣ, сиёсат, сиёсатшиносӣ
Ҷойҳои кор Академияи идоракунии давлатии назди Президенти Ҷумҳурии Тоҷикистон
Дараҷаи илмӣ: номзади илм
Ҷоизаҳо Аълочии маориф ва илми Ҷумҳурии Тоҷикистон

Расулзода Рухсора (Тағоева Рухсора Расуловна (то соли 2024); 25 сентябри 1995, ноҳияи Данғара, вилояти Хатлон, Ҷумҳурии Тоҷикистон) — сиёсатшинос, номзади илмҳои сиёсӣ, аълочии маориф ва илми Ҷумҳурии Тоҷикистон.

Зиндагинома

[вироиш | вироиши манбаъ]

Расулзода Рухсора, 25 сентябри соли 1995, дар ноҳияи Данғараи вилояти Хатлон таваллуд шудааст. Соли 2012 МТМУ №56-и ноҳияро бо шаҳодатномаи аъло ва бо медали нуқра хатм намудааст[1].

Иштирок дар олимпиадаҳо

[вироиш | вироиши манбаъ]

Фаъолияти корӣ

[вироиш | вироиши манбаъ]
  • 2015-2019 - мутахассиси раёсати таъминоти ҳуқуқӣ ва идоракунии кадрии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон,
  • 2019-2020 - мутахассиси раёсати таъминоти ҳуқуқӣ ва қисми махсуси Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон,
  • 2020-2024 - сардори шуъбаи умумӣ, кадрҳо ва таъминоти ҳуқуқии Муассисаи давлатии «Ташаккул ва рушди соҳибкорӣ»-и Кумитаи давлатии сармоягузорӣ ва идораи амволи давлатии Ҷумҳурии Тоҷикистон[2].

Рисолаи номзадӣ

[вироиш | вироиши манбаъ]

Соли 2024 дар Шурои диссертатсионии 6D.КОА-001 назди Донишгоҳи миллии Тоҷикистон рисолаашро дар мавзӯи «Сиёсати забонӣ дар Ҷумҳурии Тоҷикистон ва хусусиятҳои асосии он» ҳимоя намуда, дараҷаи илмии номзади илмҳои сиёсӣ дарёфт намудааст [3].

Фаъолияти омӯзгорӣ

[вироиш | вироиши манбаъ]

Аз соли 2024 омӯзгори кафедраи сиёсатшиносӣ ва робита бо ҷомеа, факултети дипломатия ва сиёсати Академияи идоракунии давлатии назди Президенти Ҷумҳурии Тоҷикистон мебошад.

Соли 2026 бо нишони «Аълочии маориф ва илми Ҷумҳурии Тоҷикистон» мукофонида шудааст.

Фаъолияти илмӣ

[вироиш | вироиши манбаъ]

Муаллифи монография ва як қатор мақолаҳои илмӣ доир ба сиёсати забонӣ ва муносибатҳои байналмилалӣ мебошад [4].

Мақолаҳои илмӣ

[вироиш | вироиши манбаъ]

Диплом ва ифтихорномаҳо

[вироиш | вироиши манбаъ]
  • Ифтихорномаи Вазорати маорифи Ҷумҳурии Тоҷикистон барои гирифтани ҷойи якум дар Олимпиадаи ҷумҳуриявии мактаббачагон аз фанни забон ва адабиёти тоҷик (соли 2012);
  • Тавсияномаи Вазорати маорифи Ҷумҳурии Тоҷикистон барои гирифтани ҷойи якум дар Олимпиадаи ҷумҳуриявии мактаббачагон аз фанни забон ва адабиёти тоҷик барои дохил шудан ба муассисаҳои таҳсилоти олии касбии Ҷумҳурии Тоҷикистон (соли 2012);
  • Ифтихорномаи Донишгоҳи миллии Тоҷикистон барои сазовор гардидан ба ҷойи аввал дар олимпиадаи донишгоҳӣ. (соли 2015);
  • Дипломи дараҷаи I-и Вазорати маорифи Ҷумҳурии Тоҷикистон барои ишғол намудани ҷойи якум аз фанни фалсафа дар олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистон дар соли таҳсили 2014-2015. (соли 2015);
  • Ифтихорномаи факултети фалсафаи Донишгоҳи миллии Тоҷикистон барои иштироки фаъол дар конференсияи ҷумҳуриявии илмию назариявии ҳайати устодону донишҷӯйни Донишгоҳи миллии Тоҷикистон бахшида ба «700-солагии Мир Сайид Алии Ҳамадонӣ», «Соли оила», Даҳсолаи байналмилалии «Об барои ҳаёт» барои солҳои 2005-2015. (соли 2015);
  • Дипломи Кумитаи кор бо ҷавонон ва варзиши назди Ҳукумати Ҷумҳурии Тоҷикистон барои ишғоли ҷойи якум дар озмуни ҷумҳуриявии мақолаи беҳтарин дар мавзӯи «Президенти Ҷумҳурии Тоҷикистон муҳтарам Эмомалӣ Раҳмон – поягузори Артиши миллӣ». (соли 2019);
  • Ифтихорномаи Кумитаи давлатии сармоягузорӣ ва идораи амволи давлатӣ (соли 2021);
  • Аълочии маориф ва илми Ҷумҳурии Тоҷикистон (соли 2026).
  1. ↑ Сафарзода Ғазалшоҳ Ғулом. Рушди маорифи вилояти Хатлон дар охири асри XX — ибтидои асри XXI (дар заминаи маводи минтақаи Кӯлоб)(тоҷ.). Академияи миллии илмҳои Тоҷикистон, Институти таърих, бостоншиносӣ ва мардумшиносӣ ба номи Аҳмади Дониш (2022).
  2. ↑ Расулзода Рухсора(тоҷ.). Пойгоҳи миллии кадрҳои илмӣ ва илмӣ-педагогӣ — феҳристи ягонаи олимон, муассисаҳои илмӣ ва дастовардҳои илмӣ.(пайванди дастнорас)
  3. ↑ Фармоиши Раиси Комиссияи олии аттестатсионии назди Президенти Ҷумҳурии Тоҷикистон "Дар бораи додани дараҷаи илмӣ", №57 аз 28.02.2025.
  4. ↑ Интишороти Расулзода Рухсора(тоҷ.). Пойгоҳи миллии кадрҳои илмӣ ва илмӣ-педагогӣ — феҳристи ягонаи олимон, муассисаҳои илмӣ ва дастовардҳои илмӣ.(пайванди дастнорас)