Садио Мане

Садио Мане
Иттилооти умумӣ
Номи пурра	Садио Мане (фр. Sadio Mané)
Таваллуд	10 апрел 1992(1992-04-10) (34 сол) Бамбали, Сенегал
Шаҳрвандӣ	Сенегал
Қад	174 см
Мавқеъ	ҳамлагар
Иттилоот дар бораи бошгоҳ
Бошгоҳ	«Ан-Наср»
Шумора	10
Маснад
Бошгоҳҳои ҷавонон
2009—2011	«Женерасион Фут»
Маснади бошгоҳӣ*
2011—2012	«Метс»	22 (2)
2011—2012	→ «Метс Б»	12 (2)
2012—2014	«Ред Булл Залсбург»	63 (31)
2014—2016	«Саутҳемптон»	67 (21)
2016—2022	«Ливерпул»	196 (90)
2022—2023	«Бавария»	25 (7)
2023—то ҳол	«Ан-Наср»	73 (30)
Мунтахаби миллӣ**
2012	Сенегал (то 23 сола)	4 (0)
2012—то ҳол	Сенегал	126 (53)
Медалҳои байналмилалӣ
Ҷоми миллатҳои Африқо
Нуқра	Миср 2019
Тилло	Камерун 2021
Тилло	Мағриб 2025
* Миқдори бозӣ ва гол барои бошгоҳи ҳирфаӣ фақат барои лигаҳои мухталифи миллӣ ба назар гирифта мешавад. ** Миқдори бозӣ ва гол барои мунтахаби миллӣ дар бозиҳои расмӣ.

Садио́ Мане́ (фр. Sadio Mané; 10 апрели 1992, Бамбали, Сенегал) — футболбози сенегалӣ, ҳамлагари бошгоҳи «Ан-Наср» ва тими миллии Сенегал.

Зиндагинома

Садио Мане дар хонаводаи камбизоат ба дунё омадааст, ки ҳатто имкони пардохти хароҷоти таҳсили ӯро надоштанд. Аммо истеъдоди ӯ дар айёми наврасӣ чунон ҳайратангез буд, ки сокинони русторо барои таъмини ҳазинаҳои футболӣ ва роҳёбиаш ба тими маҳаллиро басиҷ кард.

Дар давраи бозӣ карданаш дар бошгоҳи «Ливерпул», Садио Мане дар маҳаллаи Аллертони шаҳри Ливерпул зиндагӣ мекард ва ду маротиба мавриди ғоратгарӣ қарор гирифт: бори аввал моҳи ноябри соли 2017 ва бори дувум моҳи феврали соли 2019. Ӯ мусалмони амалкунанда мебошад ва пеш аз оғози ҳар бозӣ ба дуо машғул мешавад. Пас аз пирӯзии тими миллии Сенегал дар Ҷоми миллатҳои Африқо соли 2021, Садио Мане бо фармони президенти кишвараш Макки Сал ба унвони Афсари олии Ордени миллии «Шер» сарфароз гардонида шуд.

Садио Мане 7-уми январи соли 2024 тибқи ойини исломӣ бо Айша Тамба, ки аз ӯ 13 сол хурдтар аст, издивоҷ кард. Дар замони ақди никоҳ, ӯ 31-сола ва ҳамсараш 18-сола буд. Ба иттилоъ, онҳо зиёда аз ду сол пеш аз издивоҷ бо якдигар ошноӣ доштанд.

Маснади бошгоҳӣ

Ӯ фаъолияташро дар сатҳи ҳирфаӣ бо тими бошгоҳи футболи «Метс»-и Фаронса оғоз намуд, сипас ба бошгоҳи футболи «Ред Булл Залсбург» рафт ва дар соли 2013 ба «Саутҳемптон» гузариш кард. Мане дар мавсими 2014/15, дар бозие ки бо пирӯзии 6:1-и «Саутҳемптон» бар «Астон Вилла» анҷом ёфт, тавонист рекорди зудтарин ҳет-трик дар Лигбартари Инглистонро бо вақти 176 сония ба номи худ сабт кунад. Мане соли 2017 барандаи ҷоизаи «Беҳтарин бозигари сол»-и «Ливерпул» шуд ва ӯ ҳамчунин ҳамроҳи Муҳаммад Салоҳ ва Пйер Эмерик Обамеянг кафши тиллои Лигбартари Инглистонро дар фасли 2018/19 касб кард.