Салоҳияти Маҷлиси миллӣ

Салоҳияти Маҷлиси миллӣ - Маҷлиси миллӣ як қисми сохтори Маҷлиси Олӣ буда, Конститутсия ва дигар қонунҳо салоҳияти онро муқаррар менамоянд. Дар Конститутсия ваколатҳои зерин пешбинӣ шудааст:

1. Таъсису барҳам додани воҳидҳои марзию маъмурӣ ва тағйири онҳо;

2. Интихоб ва бозхонди раис, муовинон ва судяҳои Суди конститутсионӣ, Суди Олӣ ва Суди олии иқтисодӣ бо пешниҳоди Президент;

3. Ҳалли масъалаи бекор кардани дахлнопазирии раис, муовинон ва судяҳои Суди конститутсионӣ, Суди Олӣ ва Суди Олии иқтисодӣ;

4. Ризоият ба таъйин ва озод намудани Прокурори Генералӣ ва муовинони ӯ;

5. Амалӣ намудани ваколатҳои дигаре, ки Конститутсия ва қонунҳо муайян намудааст (моддаи 56 Конститутсия).

Нигаред низ

Салоҳияти Маҷлиси намояндагон