Сергей Горшков

Сергей Горшков
русӣ: Серге́й Гео́ргиевич Горшко́в
Таърихи таваллуд	13 (26) феврали 1910
Зодгоҳ	Каменетс-Подолский[d], Русияи подшоҳӣ
Таърихи даргузашт	13 майи 1988(1988-05-13) (78 сол)
Маҳалли даргузашт	Маскав, ИҶШС
Навъи фаъолият	сиёсатмадор, naval officer, нависанда, Дарёсолор
Намуди қушун	Нерӯи дарёии Шӯравӣ[d]
Рутба	Адмирали Новгони Иттиҳоди Шӯравӣ[d], нохудои рутбаи 2, нохудои рутбаи 1, контр-адмирал[d], vice admiral[d], адмирал ва admiral of the fleet[d]
Фармондеҳ	Нерӯи дарёии Шӯравӣ[d]
Ҷангҳо	Ҷанги дуюми ҷаҳон Battle of Lake Khasan[d]
Ҷоизаҳо	Honorary weapon with a golden image of the State Emblem of the USSR[d] (22 феврали 1968)
Парвандаҳо дар Викианбор

Серге́й Гео́ргиевич Горшко́в (13 [26] феврали 1910, Каменетс-Подолский^[d] — 13 майи 1988, Маскав) — ходими ҳарбии шӯравӣ, адмирали флоти Иттиҳоди Шӯравӣ (1967), ду карат Қаҳрамони Иттиҳоди Шӯравӣ (1965, 1982).

Зиндагинома

Хатмкардаи Омӯзишгоҳи ҳарбӣ-баҳрии ба номи М. В Фрунзе (1931), Курси фармондеҳони киштиҳои минакаш (1937), Курси такмили фармондеҳони олии назди Академияи ҳарбии баҳрӣ (1941). Аз соли 1927 дар флот. Аз соли 1940 фармондеҳи бригадаи киштиҳои ҷангии флоти баҳри Сиёҳ. Дар давраи ҶБВ (1941-45) дар мудофиаи Одесса иштирок кард, аз октябри 1941 фармондеҳи Флотилияи ҳарбии Азов, аз апрели 1944 фармондеҳи Флотилияи Дунай гардид; дар озод намудани Украина, Руминия, Булғория ва Маҷористон ширкат намудааст. Аз январи 1945 фармондеҳи Эскадраи флоти баҳри Сиёҳ. Солҳои 1948-51 сардори ситод, 1951-55 фармондеҳи флоти баҳри Сиёҳ, августи 1955-январи 1956 муовини аввали сарфармондеҳи Флоти ҳарбӣ-баҳрӣ, 1956-85 сарфармондеҳи он ва муовини вазири мудофиаи ИҶШС буд. Г. дар таъсис ва инкишофи флоти уқёнусӣ (аз ҷумла атомӣ) саҳми арзанда гузоштааст. Дорандаи мукофоти ленинӣ ва Мукофоти давлатии ИҶШС (1980). Депутати Совети Олии ИҶШС (даъватҳои 4-9).

Ҷоизаҳо

Бо 7 ордени Ленин, 4 ордени Байрақи Сурх, орденҳои Кутузов (дараҷаи 1), Ушаков (дараҷаҳои 1 ва 2), Ҷанги ватанӣ (дараҷаи 1), Револютсияи Октябр, «Ситораи Сурх», «Барои хидмати Ватан дар Қувваҳои Мусаллаҳи ИҶШС» (дараҷаи 3), орденҳои хориҷӣ, яроқи фахрӣ ва медалҳо сарфароз гардидааст.

Сарчашма

• Горшков Сергей Георгиевич // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.