Театри миллии Тоҷикистон
Театри миллии Тоҷикистон | |
| Санъат | саноеъи халлоқ[d] |
|---|---|
| Таърихи таъсис | 2015 |
| Раис | Манучеҳр Шарифзода |
| Кишвар | |
| Воҳиди марзию маъмурӣ | Душанбе |
Театри миллии Тоҷикистон (номи расмӣ: Муассисаи давлатии «Театри миллӣ»-и Дастгоҳи иҷроияи Президенти Ҷумҳурии Тоҷикистон[1]) — бузургтарин театр дар Осиёи Марказӣ[2], ки дар шаҳри Душанбе сохта мешавад.
Таърих
[вироиш | вироиши манбаъ]Хишти аввали Театри миллии Тоҷикистонро 17 марти соли 2015[3] Эмомалӣ Раҳмон бо иштироки аҳли фарҳанг ва ҳунари пойтахт дар фазои тантанавӣ ниҳод[4].
Сохтмон
[вироиш | вироиши манбаъ]Тибқи лоиҳа Театри миллии Тоҷикистон аз 2 ошёнаи зеризаминӣ ва 5 ошёнаи рӯйизаминӣ иборат буда, баландиаш 34,5 метр хоҳад буд. Барои бунёди бинои театр наздики 3 га замин ҷудо шудааст[5].
Тибқи лоиҳа, бинои театр аз 3 толори калон ва толору ҳуҷраҳои сершумори дигар иборат мешавад. Толори асосӣ дорои 2500 ҷойи нишаст ва 2 толори дигари конфронсию консертӣ ҳар яке дорои 1000 курсӣ хоҳад буд.
Дар театр ҷой барои оркестр, ҳуҷраҳои машқу тамрин, меҳмонхона ва дигар шароити зарурии кории ҳунармандон бунёд мешавад, ки ҷавобгӯ ба талаботи сатҳи ҷаҳонӣ мешавад.
Дар ошёнаҳои зеризаминӣ барои 250 мошин таваққуфгоҳ ва ҳам ҳуҷраҳои зиёди техникӣ ва ёрирасон ҷой хоҳанд гирифт. Бино бо шабакаҳои гармидиҳӣ, ҳавотозакунию салқинсозӣ ва ғайра муҷаҳҳаз карда мешавад.
Иншоот дорои 17 лифти мусофирбару боркаш ва 6 эскалатор хоҳад буд.
Эзоҳ
[вироиш | вироиши манбаъ]- ↑ Оинномаи Муассисаи давлатии «Театри миллӣ»-и Дастгоҳи иҷроияи Президенти Ҷумҳурии Тоҷикистон. mmih.adlia.tj. ADLIA. 7 Январ 2026 санҷида шуд.
- ↑ София Шоик. ТЕАТРИ МИЛЛИИ ТОҶИКИСТОН — БЕНАЗИР ДАР ОСИЁИ МАРКАЗӢ. Дар арафаи 35-солагии Истиқлолияти давлатӣ ба истифода дода мешавад. АМИТ «Ховар» (7 ноябри 2023). 15 май 2025 санҷида шуд.
- ↑ Пешвои миллат Эмомалӣ Раҳмон бо рафти корҳои сохтмонӣ дар Театри миллии Тоҷикистон шинос шуданд. АМИТ "Ховар". 15 май 2025 санҷида шуд.
- ↑ ТЕАТРИ МИЛЛӢ БУЗУРГТАРИН МАРКАЗИ МАЪРИФАТӢ ХОҲАД БУД ». Нашрияи расмии Ҷумҳурии Тоҷикистон. Ҷумҳурият (24 июли 2024). 15 май 2025 санҷида шуд.
- ↑ Шиносоӣ бо рафти сохтмони бинои Театри миллии Тоҷикистон. ПРЕЗИДЕНТИ ҶУМҲУРИИ ТОҶИКИСТОН (15 май 2025). 15 май 2025 санҷида шуд.