Толибҷон Бобоев
| Таърихи таваллуд: | 23 апрел 1955 (68 сол) |
|---|---|
| Зодгоҳ: | |
| Касб: | ҳунарпешаи театр |
Толибҷон Бобоев (Бобоев Толибҷон Ғаниевич; 23 апрели 1955, Кӯлоб) — ҳунарпешаи театр. Ҳунарпешаи шоистаи Тоҷикистон (1989).
Зиндагинома[вироиш | вироиши манбаъ]
Донишкадаи давлатии санъати ба номи М. Турсунзода (1975) ва курсҳои олии роҳбарии театрии Институти умумииттифоқии коркунони маданияти ш. Маскавро (1987) хатм карда, солҳои 1985—1987 дар Театри ба номи Моссовети ш. Маскав таҷриба омӯхтааст. Солҳои 1975—2000 актёр, роҳбари бадеӣ, директори Театри мусиқӣ- мазҳакаи ш. Кӯлоб буд. Аз соли 2000 дар Донишкадаи давлатии санъати ба номи М. Турсунзода аз маҳорати актёрӣ дарс медиҳад, солҳои охир директори Театри давлатии ҷавонони ба номи М. Воҳидов аст. Аз беҳтарин актёрони театр маҳсуб меёбад, дар иҷрои ҳар образ рӯ ба навоварӣ мезанад, решаҳои дастнахӯрдаро аз ҳунар кашф менамояд, «Мулки меросӣ», «Сафар Амиршоев», «Найрангҳои Скапен», «Ҳуррият», «Фишор», «Заволи Ҷамбули Мастон», «Андро ва Сандро», «Муъҷизаи мукаррарӣ» спектаклҳоанд, ки ҳунараш дар онҳо зуҳур кардааст. Бо намоиши «Очаи Зика ва Бика» (ҳамроҳи Ҷумъахон Сироҷов) зиёда аз ду ҳазор маротиба баромад доштааст. Оид ба масоили рушди театр, аҳволу эҷоди аҳли фарҳанг беш аз сад мақолаи оммавӣ навиштааст.
Иштирокдор ва дорандаи ҷоизаи чандин ҷашнвораҳои театрист.
Эзоҳ[вироиш | вироиши манбаъ]
Адабиёт[вироиш | вироиши манбаъ]
- Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.
- Шахсиятҳо аз рӯи алифбо
- Зодагони 23 апрел
- Зодагони соли 1955
- Википедия:Саҳифаҳо бо занҷираи ҷуғрофии гуногунмаъно
- Зодагони шаҳри Кӯлоб
- Википедия:Мақолаҳои бесурат дар бораи синамогарон
- Википедия:Синамогарон бидуни IMDb
- Ҳунарпешагони хизматнишондодаи ҶШС Тоҷикистон
- Ҳунарпешаи театри давлатии ҷавонони Тоҷикистон ба номи М. Воҳидов