Фалокати Ан-26 дар Чугуев
Фалокати Ан-26 дар Чугуев — садамаи ҳавоиест, ки 25 сентябри соли 2020 дар наздикии Харков бо ҳавопаймои низомии Ан-26Ш бригадаи таълими ҳавоии 203-юм ҳангоми парвозҳои таълимӣ рух додааст. Дар натиҷаи садама, аз 27 нафар сарнишинон 26 нафар ҳалок ва 1 нафар зинда монданд[1][2].
26 сентябри соли 2020 дар Украина рӯзи мотами миллӣ эълон шуд[3].
Ҳавопаймо[вироиш | вироиши манбаъ]
Ҳавопаймои Ан-26Ш (рақами болоияш 76, силсиларақамаш 56-08, ки 21 октябри соли 1977 бароварда шудааст) 5985 соати парвоз дошт ва 3450 маротиба фуруд омадааст. Моҳи июли соли 1996 он дар заводи таъмири ҳавопаймоҳои Киев таъмир карда шудааст. Пас аз таъмир, он 1800 соат парвоз анҷом дода 2160 маротиба фуруд омадааст. Барои ҳавопаймоҳои ин навъ муҳлати хидмат 20 000 соати парвоз ва 14 000 фуруд муқаррар карда шудааст. Моҳи августи соли 2020 бо роҳбарии мутахассисони Антонов муҳлати истифода то 21 июни соли 2022 дароз карда шуд ва таъмири навбатӣ моҳи июли соли 2022 ба нақша гирифта шудааст[4][5].
Ҳавопаймо бо муҳаррикҳои турбовинти яксоми АИ-24VT муҷаҳҳаз карда шудааст. Мӯҳлати истифодаи муҳаррики рост (дар семоҳаи чоруми соли 1974 баровардашуда) 11 октябри соли 2020 то таъмири навбатӣ ба охир мерасад ва муҳлати чапаш (моҳи декабри соли 1977 бароварда шудааст) - то 5 июни соли 2021[6].
Мусофирон[вироиш | вироиши манбаъ]
Дар ҳавопаймо курсантҳои курсҳои 3 (12 нафар) ва 5 (8 нафар) -и Донишгоҳи Харков ба номи Иван Кожедуби нерӯи ҳавоии Украина буданд[7].
Фоҷеа[вироиш | вироиши манбаъ]
Шоми 25 сентябр Ан-26 парвози омӯзишӣ анҷом дод. Тақрибан соати 22:45 ба вақти Душанбе ҳавопаймо дар наздикии шаҳри Чугуев, дар 2-километрии фурудгоҳи низомӣ суқут кард[8]. Ду нафар аз мусофирони таҷрибаомӯз баъди суқут зинда монданд. Субҳи 26 сентябр маълум шуд, ки яке аз онҳо дар беморхона ба ҳалокат расидааст. Ягона наҷотёфтагон Вячеслав Золочевский, соли таваллудаш 2000, дар ҳолати вазнин қарор дорад. Ӯ тавонист зинда монад, зеро пас аз таркиш бо пораи фюзеляж пӯшонида шуда буд, ки ӯро аз оташ наҷот дод. Аз рӯи далели ҳодиса парвандаи ҷиноятӣ оид ба вайрон кардани қоидаҳои парвозҳо ва омодагӣ ба онҳо оғоз карда шуд, ки боиси фалокат ва оқибатҳои вазнин гардид (моддаи 416 Кодекси ҷиноятии Украина)[8].
Сабаб[вироиш | вироиши манбаъ]
Роҳбари маъмурияти вилояти Харков Алексей Кучер гуфт, ки чанде пеш аз садама, халабон дар бораи аз кор баромадани муҳаррики чап паём фиристод[8]. Муфаттишон чор версияи суқути лайнерро баррасӣ мекунанд, ки аз ҷумла нуқсонҳои техникӣ, нигоҳубини номувофиқи ҳавопаймоҳо ва иштибоҳи ҳайати экипаж ё назоратчиёни ҳаракати ҳавоӣ мебошанд[9].
Президент Владимир Зеленский дастур додааст, ки барои таҳқиқи шароити ҳодиса комиссия таъсис дода шавад, ки онро муовини сарвазир Олег Урускӣ роҳбарӣ мекунад[8].
Эзоҳ[вироиш | вироиши манбаъ]
- ↑ Количество жертв в авиакатастрофе под Харьковом увеличилось до 26. В больнице умер ещё один курсант(рус.). strana.ua(пайванди дастнорас — таърих). 26 сентябри 2020 санҷида шуд. Баргирифта аз сарчашмаи аввал 26 сентябри 2020.
- ↑ Ukraine military plane crash: Cadets among 20 people killed(англ.). bbc.com(пайванди дастнорас — таърих). BBC News. 26 сентябри 2020 санҷида шуд. Баргирифта аз сарчашмаи аввал 25 сентябри 2020.
- ↑ Владимир Зеленский объявил 26 сентября днем траура в Украине в связи с катастрофой военного самолета Ан-26. president.gov.ua (26 сентябри 2020). 26 сентябри 2020 санҷида шуд.
- ↑ Information about the condition of the An-26Sh before the disaster has been published(укр.) (26 сентябри 2020). 26 сентябри 2020 санҷида шуд.
- ↑ Butusov. "Security at the level of the 60's leads to tragedy": the death of a cadet An-26 in Chuhuiv(укр.). Censor.net (26 сентябри 2020). 26 сентябри 2020 санҷида шуд.
- ↑ The Deputy Prime Minister named the details of the An-26 crash in Kharkiv region(укр.). Defense Express (26 сентябри 2020). 26 сентябри 2020 санҷида шуд.
- ↑ Н. Анисимова. Харьковский губернатор назвал возможную причину крушения Ан-26. rbc.ru(пайванди дастнорас — таърих). РБК. 26 сентябри 2020 санҷида шуд. Баргирифта аз сарчашмаи аввал 26 сентябри 2020.
- ↑ 8.0 8.1 8.2 8.3 Н. Анисимова. Число погибших при крушении Ан-26 под Харьковом выросло до 25. rbc.ru. РБК. 26 сентябри 2020 санҷида шуд.
- ↑ А. Батманова. При крушении Ан-26 погиб сын украинского депутата(рус.). rbc.ru. РБК. 27 сентябри 2020 санҷида шуд.
Адабиёт[вироиш | вироиши манбаъ]
- ASN Aircraft accident Antonov An-26Sh 76 yellow Chuhuiv Air Base(англ.). Aviation Safety Network. 29 сентябри 2020 санҷида шуд.