Фурудгоҳи шаҳри Душанбе

Мавод аз Википедиа — донишномаи озод
Jump to navigation Jump to search

Фурудгоҳи байналмилалии Душанбе дар қисми ҷанубу шарқии пойтахти Тоҷикистон ҷойгир мебошад. Солҳои охир барои таъмини бехатарӣ ва қабули ҳавопаймоҳои замонавӣ дар фурудгоҳи Душанбе хати парвозиро аз нав таъмир намуданд. Ҳоло фурудгоҳи Душанбе дорои мақоми байналмилалӣ буда, қобилияти қабул кардани тамоми намуди ҳавопаймоҳоро дорад. Дар баробари толори умумии фурудгоҳ, ҳамчунин толори VIP ва CIP мавҷуд мебошанд. Ин ба мусофироне, ки мақоми VIP ва CIP доранд, имкон медиҳад, ки ҳангоми интизорӣ ба парвоз, гузаштани расмиёти гумрукӣ ва сарҳадӣ аз шароитҳои махсус истифода намоянд. Барои чунин мусофирон толору нуқтаи назоратии шиносномаҳо ва гумрукии алоҳида вуҷуд дорад. Дар баъзе мавридҳо барои ба ҳавопаймо ворид шудани мусофирон ба онҳо зинапояи алоҳида пешниҳод карда мешавад. Дар фурудгоҳи Душанбе барои мусофирон хизматрасониҳои мусоиди зерин пешниҳод карда мешаванд, аз ҷумла: Нуқтаи маълумотдиҳӣ; Қаҳвахона, Fast food; Нуқтаи мубодилаи асъор; Хазинаи савдои чипта; Мағозаҳои Дюти фри, тӯҳфаҳо ва ғайра; Нуқтаи савдои рӯзномаву маҷаллаҳо; Банкоматҳо; Интернет (Wi-Fi).

  • Фурудгоҳи байналмилалии Душанбе – калонтарин фурудгоҳи Ҷумҳурии Тоҷикистон ба ҳисоб меравад, ки зиёда аз 80 % бозори интиқоли парвозҳои мунтазам, байналмилалӣ ва дохилиро ба анҷом мерасонад. Айни замон фурудгоҳи пойтахт қобилият дорад, ки дар як соат ба зиёда аз 200 мусофирон хизмат расонад. Барои сохтмони терминали байналмилалии нав, ки дар оянда метавонад дар як соат ба зиёда аз 500 мусофир хизмат расонад, сармоягузорон ҷалб карда мешаванд. Фурудгоҳи Душанбе дорои дараҷаи В буда, бо рамзи ИКАО – 4D зикр карда мешавад. Вай қобилият дорад, ки ҳавопаймоҳои Боинг-737, Боинг-767, Ил-62, Ил-76, Ту-154 ва тамоми намуди чархболҳоро қабул намояд.
  • Ба фурудгоҳ тавассути нақлиётҳои зерин ташриф овардан мумкин аст:

Таксиҳои шаҳрӣ, троллейбуси №4, автобуси №8 ва дигар нақлиётҳои мусофиркашии № 1,7,8,14,16,33. Нуқтаи маълумотдиҳӣ ба таври шабонарӯзӣ фаъолият мекунад. Телефонҳо: 221-19-66, (47) 449-42-33, 006. Шумо ҳамчунин метавонед тавассути телефони мобилии худ ба рақами 09-09 тамос гирифта, маълумоти лозимиро дастрас намоед.[1]

Эзоҳ[вироиш]