Эргашбой Муҳаммадиев

Эргашбой Муҳаммадиев
Акс:Эргашбой Мирзоевич Муҳамадиев
Таърихи таваллуд	10 июл 1941(1941-07-10) (84 сол)
Зодгоҳ	Ноҳияи Ашт, ҶШС Тоҷикистон ИҶШС
Кишвар	Тоҷикистон
Фазои илмӣ	риёзиёт
Дараҷаи илмӣ:	доктори илмҳои физика ва математика
Унвонҳои илмӣ	профессор
Алма-матер	Донишгоҳи давлатии Тоҷикистон ба номи В.И.Ленин

Эргашбой Мирзоевич Муҳамадиев (зод. 10 августи 1941, деҳаи Саро, ноҳияи Ашт) — риёзидон, доктори илмҳои физика ва математика (1980), профессор (1985), узви Анҷумани риёзии Амрико (1992), узви вобастаи Академияи илмҳои ҶТ (1993), асосгузори мактаби илмӣ ва узви Академияи илмҳои табиии Федератсияи Русия (2011).

Зиндагинома

Эргашбой Муҳаммадиев 10 августи соли 1941 дар ноҳияи Ашт ба дунё омадааст. Факултаи физикаю математикаи Донишгоҳи давлатии Тоҷикистон ба номи В. И. Ленинро хатм кардааст (1964). Аспирант, муаллими Донишгоҳи давлатии Воронеж (1964—1967), дотсенти факултаи математикаи Донишгоҳи давлатии Воронеж (1967—1973), дотсенти кафедраи анализи функсионалӣ ва муодилаҳои дифференсиалии Донишгоҳи давлатии Тоҷикистон ба номи В. И. Ленин (1973—1976), мудири шуъба (1976—1978), ҷонишини директор оид ба қисми илмӣ (1978—1990), и.в. директори Пажуҳишгоҳи математикаи Академияи илмҳои Тоҷикистон (1990—1994), профессори кафедраи муодилаҳои дифференсиалии факултаи математикаи Донишгоҳи давлатии Хуҷанд ба номи академик Б. Ғафуров (1994—2002), профессори кафедраи математикаи олӣ, кафедраи системаҳо ва технологияҳои информатсионии Донишгоҳи давлатии Вологдаи Федератсияи Русия (аз с.2002).

Фаъолияти илмӣ

Силсилаи натиҷаҳои илмии Эргашбой Муҳаммадиев оид ба ҳалшавандагии муодилаҳои дифференсиалии даврӣ дар математикаи муосир асоси «Назарияи Фавар-Муҳаммадиев» гардидааст. Муаллифи зиёда аз 200 асари илмие мебошад, ки дар нашрияҳои илмии тақризшаванда, аз ҷумла дар пойгоҳҳои РИНЦ, Web of Science ва Scopus зуд-зуд иқтибос оварда мешаванд.

Аз соли 1980 то имрӯз ӯ ба се доктор ва 18 номзади илмҳои физика ва математика роҳбарӣ кардааст.

Иштирокдори чандин конфронсу ҳамоишҳои байналхалқӣ (Воронеж, 1978; Маскав, 1980; Ленинград, 1985; Варшава, 1992; Тошканд, 1997; ИМА, 2000) мебошад.

Осор

• Вычисление вращения некоторых классов векторных полей. — Воронеж, 1970;
• Основы численных методов. — Вологда, 2005 (соавтор);
• Гармоничные функции в пространствах непрерывных и ограниченных функции. — Вологда, 2008 (соавтор);
• Классический и регуляризованный операторы Пуассона. — Вологда, 2010 (соавтор);
• Метод регуляризации сдвигом. Теория и приложения. — Вологда, 2012 (соавтор).

Адабиёт

• Современные проблемы математики и ее приложения. Материалы международной научной конференции, посвященной 70-летию профессора Э. Мухаммадиева. Душанбе, 28-30 июня 2011 г. — Д., 2011.