Қорӣ Сулаймон

Мавод аз Википедиа — донишномаи озод
Jump to navigation Jump to search
Қорӣ Сулаймон
Сулаймон Сиддиқов
Санаи таваллуд

1884

Зодгоҳ

ш. Хуҷанд

Санаи марг

1968

Касб(ҳо)

сароянда

Қорӣ Сулаймон (Сиддиқов Сулаймон, с.тав.1884, Хуҷанд, с. ваф.1968, Хуҷанд), сароянда, мутриб-оҳангсоз. Санъати сознавозӣ, овозхониро назди Содирхон (1847-1931) фаро гирифтааст. Қорӣ Сулаймон баробари мутрибӣ дар заводу корхонаҳои саноатӣ ба сифати сардори гурӯҳи коргарон (Харков, 1916), аз фаъолони зидди босмачиён (1918-1928), корманди шӯъбаи корҳои дохилию амнияти вилоят (Ленинобод, 1928-1937) хидмат кардааст. Қорӣ Сулаймон аз шогирдони боҳунари Содирхон буда, бисёр паҳлӯҳои иҷроиро аз ӯ андӯхта, ҳатто пешопеши тобути устодаш бо суруд ӯро ба хонаи охират мегуселонад. Қорӣ Сулаймон. зиёда аз 60-суруду навоҳои классикиро ҳифз намуда, бо сабки хоси иҷроӣ (бештар бо сабки Содирхон) манзури сомеон намудааст. Қорӣ Сулаймон бо сарояндагони саршиноси ҳавзаи иҷроии Хуҷанд Абдуқодир Каримов, Мадамин Назиров «ашӯлаи калон»-ро бисёр мусиқивору рангин месуруд ва дар инкишофи анъанаи иҷроии шаклу анвои шеърию мусиқии «нақш» бештар саҳм дошта, дар ин замина корҳои зиёди ҳунарӣ кардааст.

Адабиёт[вироиш]

Таджикская музыка, Душ., 2003; Ҳакимов Н. Шашмақом дар қарни ХХ, Хуҷанд, 2006.[1]

Ҳамчунин нигаред[вироиш]

Сарчашма[вироиш]

  1. Донишномаи Шашмақом./Зери таҳрири Олимов К., Абдувалиев А., Азизӣ Ф., Раҷабов А., Ҳакимов Н. – Душанбе, 2009. - с. 112 ISBN 978-99947-49-13-3