Қурбоналӣ Ёқубов

Мавод аз Википедиа — донишномаи озод
Jump to navigation Jump to search
Қурбоналӣ Ёқубов
Қурбоналӣ Ёқубов
Таърихи таваллуд 5 октябр 1949(1949-10-05) (72 сол)
Зодгоҳ Душанбе ҶШС Тоҷикистон
Пеша(ҳо) мутриб, навозанда
Ҷоизаҳо Ордени «Шараф» Аълочии маорифи халқии СССР (1983), Ҳунарпешаи халқии Тоҷикистон (2011).

Қурбоналӣ Ёқубовмутриб, омӯзгори шинохтаи тоҷик. Ҳунарпешаи хизматнишондода ҶШС Тоҷ. (1988), Ҳунарпешаи халқии Тоҷикистон (2011), Аълочии маорифи халқии СССР (1983).

Зиндагинома[вироиш | вироиши манбаъ]

Қурбоналӣ Ёқубов хатмкардаи омӯзишгоҳи мусиқии шаҳри Душанбе (ҳоз. коллеҷи санъати ба номи А. Бобоқулов 1968), факултети санъати Институти давлатии педагогии ба номи Т.Г. Шевченко (ҳоз. ДДОД ба номи С. Айнӣ, 1973). Солҳои донишҷӯияш дар мактаб-интернати махсуси мусиқии ба номи М. Собирова (ҳоло ба номи М. Атоев) аз сози най ба шогирдон ҳунар меомӯхт. Аз соли 1973 дар ДДСТ ба номи М. Турсунзода аз сози най дарс мегӯяд. Дар як вақт бо ҳайати ансамбли эстрадии «Гулшан», ансамбли рақсии «Зебо» ҳамкорӣ намудааст. Навоҳои иҷрокардаи ӯ дар хазинаи мусиқии радио ва телевизион (беш аз 40 савту наво) сабт гардидаанд. Ёқубов шогирдони зиёдеро тарбия намудааст, ки онҳо дар театр, оркестр, ансамблҳо ва мактабу коллеҷҳои санъат кору фаъолият доранд. Найнавозони чирадаст Сайдалӣ Сангов, Нуралӣ Шерматов шогирдони ӯянд. Ёқубов дар озмуни I-уми ҷумҳуриявии навозандагони созҳои халқӣ (1986) лауреат шуд. Ӯ ба як қатор мамлакатҳо: Австрия (1975), Сурия (1983), Тайланд (1986), Руминия (1987) ва ғ. сафарҳои ҳунарӣ кардааст. Ёқубов бо ордени «Шараф» сарфароз гардидааст.[1]

Эзоҳ[вироиш | вироиши манбаъ]

  1. Обидпур Ҷ. Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С.146. – 480 с. ISBN 978-999-47-43-90-2(тоҷ.)