Ҳамгироии иҷтимоӣ

Эксклюзия (Истиснокунӣ) — Сепаратсия (Ҷудокунӣ) — Интегратсия (Ҳамроҳкунӣ) — Инклюзия (Фарогирӣ)

Ҳамгироии иҷтимоӣ (аз лот. integratio — барқарорсозӣ, пурра кардан; лот. integer — яклухт, комил) — раванди воридшавии фард ё гурӯҳ ба сохтори иҷтимоӣ ва ба вуҷуд овардани низоми воҳиду устувор. Ин мафҳум ҷанбаҳои зеринро дар бар мегирад:

Қабули фард аз ҷониби аъзои дигари гурӯҳ.

Раванди барқарор намудани робитаҳои оптималӣ байни объектҳои иҷтимоии нисбатан мустақил ва кам алоқаманд (индивидҳо, гурӯҳҳо, табақаҳои иҷтимоӣ, давлатҳо) ва табдил додани онҳо ба як низоми ягонаву комил, ки дар он қисмҳои он дар асоси мақсадҳо ва манфиатҳои муштарак ҳамоҳанг ва ба ҳам вобастаанд.

Шаклҳои нигоҳдории устуворӣ ва мувозинати муносибатҳои ҷамъиятӣ аз ҷониби низоми иҷтимоӣ.

Дар дефектология — иҷтимоишавии бомуваффақияти фарде, ки оқибатҳои манфии вазъияти марбут ба нуқсони (дефекти) худро паси сар кардааст.

Хусусиятҳо

Ҳамгироии иҷтимоӣ аксар вақт ҳамчун натиҷаи ниҳоии мутобиқшавӣ (адаптатсия) баррасӣ мешавад. Он ба ҳамкории фарҳангҳо, арзишҳо ва меъёрҳои гуногун мусоидат карда, ҷомеаро аз тақсимшавӣ (фрагментатсия) муҳофизат мекунад.

Нигаред низ

Реабилитатсия

Иҷтимоишавӣ

Инклюзия