Аскаралӣ Раҷабзода: Тафовут байни таҳрирҳо

Мавод аз Википедиа — донишномаи озод
Content deleted Content added
AryanBot (баҳс | ҳисса)
х бот: кор карда истодааст., replaced: руз → рӯз
AryanBot (баҳс | ҳисса)
х →‎Нигаред: бот: ҳазф карда истодааст
Сатри 44: Сатри 44:


[[Гурӯҳ:Шахсиятҳо аз рӯи алифбо]]
[[Гурӯҳ:Шахсиятҳо аз рӯи алифбо]]
[[Гурӯҳ:Санъати Тоҷикистон]]
[[Гурӯҳ:Мусиқишиносони Тоҷикистон]]
[[Гурӯҳ:Мусиқишиносони Тоҷикистон]]
[[Гурӯҳ:Олимони Тоҷикистон]]
[[Гурӯҳ:Олимони Тоҷикистон]]

Нусха 15:55, 29 май 2015

Шаблон:Зиндагинома Аскаралӣ Раҷабов - (16 июни соли 1944) муаррихи фарҳанги мусиқӣ, доктори илми таърих (1994), профессор (1999), Ходими хизматнишондодаи санъати Тоҷикистон (1991), дорандаи Ҷоизаи Иттифоқи оҳангсозони Тоҷикистон ба номи Борбад (1992), узви Иттифоқи оҳангсозони СССР ва Тоҷикистон (1991), узви Шӯрои ҷамъиятии Ҷумҳурии Тоҷикистон (1993).

Зиндагинома

Аскаралӣ Раҷабов 16 июни соли 1944 дар ноҳияи Сариосиёи Ҷумҳурии Узбекистон таваллуд ёфтааст. Хатмкардаи Донишгоҳи давлатии Самарқанд (1969) аст. Солҳои 1969 - 1972 корманди Энсиклопедияи советии тоҷик (ЭСТ), аз соли 1972 дар Институти таърих, бостоншиносӣ ва мардумшиносии ба номи Аҳмади Донишӣ Академияи илмҳои Тоҷикистон фаъолият дорад, зинаҳои ходими хурди илмӣ, ходими калони илмӣ, сарходимро тай кардааст, аз соли 1999 мудири шӯъбаи таърихи маданияти он мебошад.

Фаъолияти илмӣ

Профессор Аскаралӣ Раҷабзода аз муҳаққиқони сермаҳсули таъриху назарияи мусиқии тоҷик ва дигар халқҳои эронинажод, инчунин мардуми Шарқ ба шумор меравад. Хидматаш бахусус дар таҳқиқу баррасии ҳаёту эҷодиёти поягузори мусиқии форс - тоҷик Борбад хеле калон аст. Мавсуф ташкил¬кунанда ва раиси Бунёди байналмилалии Борбад ва Маркази байналмилалии таҳқиқи мусиқии мардуми Ховар мебошад. Ба қаламаш зиёда аз 15 китобу рисола, қариб 550 мақолаи илмию оммавӣ, тақризу китобиёт мутааллиқанд. Вай мураттиб ва муҳаррири чандин китобу рисола ва маҷмӯъаи илмӣ, аз ҷумла «Донишномаи Шашмақом»,(2009), «Очеркҳои таърих ва назарияи маданияти халқи тоҷик» (ба забони русӣ, дар чор ҷилд, солҳои 2007 - 2010) ва ғайра аст. Тақиқоти илмии ин донишманди пуркори тоҷик дар кишварҳои зиёди хориҷӣ ба табъ расида, мавсуф дар чандин симпозиму конфаронси минтақавию байналмилалии мусиқашиносон бо маърӯзаҳои пурмуҳтаво баромад карда, мусиқии миллаташро муаррифӣ кардааст.

Ӯ аз соли 1991 раиси Маркази илмии фарҳанги мусиқии халқҳои Шарқ (Борбад),узви Иттифоқи оҳангсозони Тоҷикистон (1991), узви Шӯрои ҷамъиятии Ҷумҳурии Тоҷикистон (1993) мебошад.Раҷабов А. ташаббускор ва созмондиҳандаи чандин форумҳо, симпозиумҳо ва конференсияҳои байналмилалӣ оид ба таъриху фарҳанги халқи тоҷик мебошад. Аз ҷумла, 1400-солагии Борбад (1990), 1000-солагии эҷоди «Шоҳнома»-и Фирдавсӣ (1994), 1100-солагии давлати Сомониён (1999), 545-солагии К.Беҳзод ва 2700-солагии Авесто (2002), 3000-солагии тамаддуни зардуштӣ ва ориёӣ (2003, 2006). Дар соҳаи фарҳанги мусиқии касбӣ майлу рағбатҳои илмии А.Раҷабов ба таҳқиқи масъалаҳои таърихи қадим, асрҳои миёна, инчунин таърихи даврони нав алоқаманданд. Раҷабов А. дар омӯзиши масъалаҳои фарҳанги мусиқии даврони Сосониён (224-651), Сомониён (819-1005), рушди мусиқии тоҷик дар асрҳои ХIV-ХVIII саҳми бузурги илмӣ гузоштааст. Самти муҳими фаъолияти илмии Раҷабов А. таҳқиқи эҷодиёти композиторони тоҷик дар самти проблемаҳои омӯзиши мероси мусиқӣ ва ирсияти суннатҳои иҷрокунандагӣ дар замони муосир мебошад. Дар мақолаҳои гуногуни олим эҷодиёти композитории Ш.Соҳибов, А.Солиев, Д.Дӯстмуҳаммадов, А.Ҳамдамов, З.Шаҳидӣ инъикос гардидааст. Раҷабов А. дар бисёр симпозиумҳои байналмилалӣ дар Париж, Брюссел, Амстердам, Стокголм, Гамбург, Теҳрон, инчунин дар марказҳои фарҳанг ва санъати собиқ СССР ва кишварҳои узви ИДМ (Москва, Санкт-Петербург, Самарқанд, Ереван, Боку, Тошканд, Бишкек ва диг.) бо маърӯзаҳо баромад намудааст.

Намунаи осор

  • Маданияти мусиқии тоҷик дар асарҳои XIII – XIX [Матн]. - Душанбе, 1984. – 110 с.
  • Наҷмидини Кавкабӣ ва рисолаи мусиқӣ [Матн]. - Душанбе, 1985. – 114 с.
  • Нағмаи ниёгон [Матн]. - Душанбе, 1988. - 153 с.
  • Афкори мусиқии тоҷик дар асарҳои XII - XV [Матн]. - Душанбе, 1989. – 235 с.
  • Зайнулобиддин Маҳмуди Ҳусайнӣ ва қонуни илмию оммавии мусиқӣ [Матн]. - Душанбе, 1987. - 336 с.
  • Сарнавишти хунёгар [Матн]. - Душанбе, 1990. - 106 с
  • Традиции классической музыкальной культуры эпохи Сасанидов [Матн]. - Душанбе, 2005. - 108с.
  • Мусиқӣ дар тамад¬дуни Сомониён [Матн]. - Душанбе, 2000. - 198 с.
  • Аз нур то сетои Акашариф Ҷӯра [Матн]. - Душанбе, 2000. - 104 с.
  • Мусиқии тоҷикон ва анъанаҳои таъриҳии он дар садаҳои XVI – XVII [Матн]. - Душанбе, 2007. - 220 с.
  • Суннат ва навоварӣ дар тамаддуни мусиқии замони Рӯдакӣ [Матн].- Душанбе, 2007. - 218 с.
  • Борбад: Эпоха, традиции и новаторство[Текст]. - Душанбе, 2008. - 230 с.
  • Эҷод ва иҷрои мусиқӣ дар асрҳои IV - VI. - Душанбе, 2011. – 255 с.
  • Борбад и Рудаки: Премественность и общность традиции[Текст].- Душанбе, 2013. - 220 с.

==Мукофот--

  • ордени "Шараф" (1999)

Манобеъ

  • Раҷабов Аскаралӣ // Энсиклопедияи адабиёт ва санъати тоҷик [Матн]. - Душанбе, 2004. - Ҷ.3. - С. 49.
  • Раҷабов Аскаралӣ //Донишномаи Шашмақом [Матн]. - Душанбе, 2009. - С.278.
  • Мусиқишиносон ва оҳангсозони Тоҷикистон. - Душанбе, 2011.

Нигаред