Мамнӯъгоҳи таърихӣ-фарҳангии Ҳисор: Тафовут байни таҳрирҳо
Шухрат Саъдиев (баҳс | ҳисса) х Шухрат Саъдиев moved page Мамнунгоҳи таърихӣ-фарҳангии ноҳияи Ҳисор to Мамнӯъгоҳи таърихӣ-фарҳангии Ҳисор: ислоҳи номгузорӣ |
Шухрат Саъдиев (баҳс | ҳисса) →Эзоҳ: гурӯҳ |
||
| Сатри 20: | Сатри 20: | ||
[[Гурӯҳ:Осорхонаҳои Тоҷикистон]] |
[[Гурӯҳ:Осорхонаҳои Тоҷикистон]] |
||
[[Гурӯҳ:ноҳияи Ҳисор]] |
[[Гурӯҳ:ноҳияи Ҳисор]] |
||
[[Гурӯҳ:Мамнӯъгоҳҳои фарҳангӣ дар Тоҷикистон]] |
|||
Нусха 17:06, 31 августи 2016
Мамнӯъгоҳи таърихӣ-фарҳангии ноҳияи Ҳисор - соли 2011 дар ноҳияи Ҳисор таъсис ёфтааст. Мамнӯъгоҳи таърихӣ-фарҳангии ноҳияи Ҳисор тобеъи Вазорати фарҳанги Тоҷикистон аст.[1] Мамнӯъгоҳ дорои ёдгориҳои таърихии - Қалъаи Ҳисор, Мадрасаи Кӯҳна, Мадрасаи Нав, Мақбараи Кӯҳна ва Осорхонаи таърихӣ-кишваршиносии ноҳияи Ҳисор мебошад. [2]
3000 солагии Ҳисор
Қалъаи Ҳисор муҳимтарин иншооти ба шумор меравад, зеро мавҷуд будани ин мамнӯъгоҳ аз таъриху фарҳанги бостону пурғановати шаҳрсозии водии Ҳисор ва умуман мардуми тоҷик гувоҳӣ медиҳад. Дар ин ҷо олимони бостоншиносу таърихнигор бо ҳафриёту тадқиқоти илмию амалӣ машғуланд. Натиҷаи бозёфтҳои олимон гувоҳӣ аз он медиҳад, ки Қалъаи Ҳисор таърихи тӯлонӣ дошта, аз қарнҳои биринҷӣ маншаъ мегирад ва аз 9 қабати таърихӣ иборат аст.
Таҳти назари олимону мутахассисони Академияи илмҳои Тоҷикистон, Вазорати фарҳанг ва дигар муассисаҳои илмию фарҳангии кишвар аз ҷониби бинокорони моҳир барқарорсозии симои таърихии ин ёдгории бостонӣ ба роҳ монда шудааст. Ба муносибати таҷлили 3000 солагии Ҳисор, соли 2015 дар ҷараёни барқарорсозӣ деворҳои атрофи қалъа, дарвозаю аркҳои он, чойхона бо 100 ҷойи нишаст, ҳавзи дохил, 6 адад айвони суҳбатгоҳ, сарбозхона, амфитеатр бо 700 ҷойи нишаст, 10 адад дӯконҳои гуногун барои ҳунармандон ва дигар иншооти дорои аҳамияти таърихии он бунёд ва навсозӣ шудаанд.[3]
Нигаред
Адабиёт
- Осорхонаҳои Тоҷикистон дар даврони истиқлол: Феҳристи адабиёт / Мураттиб ва муаллифи мақолаи муқаддимавӣ Ф. Шарифзода; Муҳаррир Ш.Комилзода. – Душанбе: Бухоро, 2013. – 224 с.– Матн ба заб. тоҷ., ва руси.
- Ёдгориҳои таърихии Тоҷикистон. - Душанбе, 2011
Эзоҳ
- ↑ Гиссарский историко-культурный заповедник
- ↑ Донишномаи Ҳисор. - Душанбе: "Ирфон", 2015, - с. 442-443
- ↑ Кумитаи меъморӣ ва сохтмони назди Ҳукумати ҶТ / Тоҷикӣ / Хабарҳо Боздиди Сарвари давлат Эмомалӣ Раҳмон аз қалъаи Ҳисор
|
Ин мақолаи нопурра дар бораи осорхонаҳо мебошад. Шумо метавонед бо пурра кардани ин ба Википедия кумак кунед. |