Бахмалгул

Бахмалгул
Бахмалгул
Табақабандии илмӣ
ХАТО: шаблони орояшинохтӣ нест, который должен описывать систематическое положение таксона Tagetes. Гуна: Бахмалгул
Номи байнулмилалии илмӣ
Tagetes patula L.
Мутародифот
Tagetes corymbosa Sweet Tagetes lunulata Ortega Tagetes remotiflora Kunze Tagetes signata Bartl.
Сомонашиносӣ дар Викигуна Тасвирот дар Викианбор ITIS   38488 NCBI   55843 GRIN   t:36202 IPNI   252146-1 TPL   gcc-137312

Бахмалгул, гули бахмал, аббосӣ (лот. Tagétes pátula) — як навъ гули маъмул, ки бӯи хосса дорад; гиёҳи яксола аст.

Пояаш сербаргу сершох (30-80 см қад мекашад), баргаш базеби паршакл. Хӯшагул (сабадак)-аш майда (қутраш 3-6 см); гулаш махмалӣ, зард, норанҷӣ ё сурхтоб. Тухмаш сиёҳ, то 3 сол қобили сабзиш аст. Бахмалгул вобаста ба шароити маҳал баъди 4-18 рӯзи кишт нашъунамо ёфта, аз моҳи июл то сармои аввал гул мекунад. Дар ҳама гуна замини намаш муътадил ва қатъаи кушод, инчунин сояҷо хуб месабзад. Бахмалгулро, одатан, барои барпо кардани гулзору гулгашт, гулхат, гулнақш ва ғ. истифода мебаранд.

Табибони халқӣ ҷӯшоби «сабадак»-и Бахмалгулро чун доруи арақовару пешоброн ва киҷҷакуш тавсия медиҳанд. Дар баъзе кишварҳо баргашро ба таом меандозанд. Моддаи рангбахш ва равғани эфири гулбаргҳои Бахмалгул (0,1 %) низ дар хӯрокворӣ ба кор меояд.

Адабиёт

• Бахмалгул // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.