Ислом Бобохоҷаев

Мавод аз Википедиа — донишномаи озод
Ислом Бобохоҷаев
Бобохоҷаев Ислом Яъқубович
Таърихи таваллуд 25 август 1915(1915-08-25)
Зодгоҳ Хуҷанд
Таърихи даргузашт 3 июл 1992(1992-07-03) (76 сол)
Маҳалли даргузашт Душанбе
Фазои илмӣ тиб
Дараҷаи илмӣ: доктори илмҳои тиб
Унвонҳои илмӣ профессор
Алма-матер Институти тиббии Тошканд
Ҷоизаҳо
Ордени «Нишони Фахрӣ»
Ордени Ҷанги Ватанӣ дараҷаи II
Духтури хизматнишондодаи ҶШС Тоҷикистон (1945)

Бобохоҷаев Ислом Яъқубович (25 августи 1915, Хуҷанд 3 июли 1992, Душанбе) — доктори илмҳои тиб (1972), профессор (1977), яке аз аввалин ташкилотчиёни ҳифзи тандурустӣ дар Тоҷикистон. Духтури хизматнишондодаи ҶШС Тоҷикистон (1945). Ширкаткунандаи ҶБВ.

Зиндагинома[вироиш | вироиши манбаъ]

Соли 1937 Институти тиббии Тошкандро хатм карда, то соли 1943 дар хидмати ҳарбии тиббӣ буд. Сардори шуъбаи тандурустии вил. Ленинобод (ҳоло Суғд; 1943-47), ҷонишини вазир (1948-51), вазири нигаҳдории тандурустии ҶШС Тоҷикистон (1951-53), ассистенти Институти давлатии тиббии Тоҷикистон (1953-58), сардухтури Беморхонаи клиникии ҷумҳуриявӣ (1958-61). Роҳбари бахши Институти таҳқиқоти илмии беҳдошти ба номи Эрисмани шаҳри Маскав (1961-66), роҳбари бахши Институти таҳқиқоти илмии беҳдошт ва эпидемиологияи Маскав (1966-69), корманди Институти таҳқиқоти илмии умумииттифоқии беҳдошти иҷтимоӣ ва ташкили ҳифзи тандурустӣ ба номи Семашко (Маскав; 1969-72), профессор (1972-76), мудири кафедра (1976-87) ва профессори кафедраи физиологияи Институти давлатии педагогии Душанбе (1987-92). Муаллифи зиёда аз 30 асари илмӣ оид ба ташкил ва такмили фаъолияти муассисаҳои табобатию профилактикӣ. Депутати Шӯрои Олии ҶШС Тоҷикистон (даъвати 2).

Ҷоизаҳо[вироиш | вироиши манбаъ]

Бо ордени «Нишони Фахрӣ», ордени Ҷанги Ватанӣ (дараҷаи II), медалҳо ва Ифтихорномаҳои Президиуми Шӯрои Олии ҶШС Тоҷикистон сарфароз гардидааст.

Осор[вироиш | вироиши манбаъ]

  • Лечебные минеральные источники Памира. Д., 1994.

Эзоҳ[вироиш | вироиши манбаъ]

Сарчашма[вироиш | вироиши манбаъ]