Ҳема Малинӣ

Ҳема Малинӣ
англ. Hema Malini
Ном ба ҳангоми таваллуд:	Hema Malini
Таърихи таваллуд:	16 октябр 1948(1948-10-16) (75 сол)
Зодгоҳ:	Тамилноду, штати Мадрас, Ҳиндустон
Шаҳрвандӣ:	Ҳиндустон
Касб:	ҳунарпеша, коргардон, сиёсатмадор, продюсер
Корнома:	1965 - то ҳол
Ҷоизаҳо:	Filmfare Award for Best Actress[d] (1973)
IMDb:	ID 0004564
Парвандаҳо дар Викианбор

Ҳема Малинӣ (англ. Hema Malini, там. ஹேமமாலினி, ҳиндӣ: हेमा मालिनी; тав. 16 октябр 1948) — ҳунарпеша, рақоса, продюсер, коргардон ва сиёсатмадори ҳинд. Дар Тоҷикистон зиёдтар ӯро аз рӯи иҷрои нақши асосӣ дар филми "Зита ва Гита" мешиносанд. Ҳема дар зиёда аз 150 филм нақш офаридааст. Ӯ дорандаи ҷоизаи "Filmfare Awards" барои беҳтарин нақши занона ва мукофоти давлатии Падма Шрӣ барои саҳм дар синамои Ҳиндустон мебошад.

Ҳаёти шахсӣ

Ҳема Малинӣ бо актёр Дҳармендра издивоҷ кардааст. Онҳо ду духтар доранд - Эша ва Оҳана. Эша ба модараш пайравӣ карда, ҳунарпешаи синамо шуд. Илова бар ин, духтарони Ҳема мисли модарашон рақсро дар сабки Бҳарататям омӯхтанд ва дар барномаҳои рақсии муштарак бо ӯ ва алоҳида ҳунарнамоӣ мекунанд. Писарони Дҳармендра аз издивоҷи аввалаш Саннӣ Деол ва Боббӣ Деол низ ҳунарпешаи синамо ҳастанд.

Ҳема Малинӣ вайшнавизмро эътироф мекунад ва пайрави Ҷамъияти байналмилалии шуури Кришна мебошад.