Гарринча

Гарринча
Иттилооти умумӣ
Таваллуд	28 октябр 1933(1933-10-28)[…] Pau Grande[d], Рио де Жанейро, Бразилия
Вафот	20 январ 1983(1983-01-20) (49 сол) Рио-де-Жанейро, Бразилия
Шаҳрвандӣ	Бразилия
Маснад

Мануэл Франсиско Дус Сантос (португалӣ: Manuel Francisco dos Santos; 28 октябри 1933, — (1983-01-20)20 Январ 1983, Пау Гранде, Рио Де Жанейро Cтате, Бразилия) — футболбози бразилӣ, нимҳимоятгари ҳуҷумкуни канорӣ.

Корномаи бошгоҳӣ

Дар ҳайати дастаи Бразилия (1955-66) қаҳрамони ҷаҳон (1958, 1962) шудааст; беҳтарин голзани мусобиқаи ҷаҳонии соли 1962; ширкаткунандаи бозиҳои ниҳоии Ҷоми ҷаҳонии соли 1966; дар 45 мусобиқа ба майдон рафта, 12 гол задааст. Дар дастаҳои «Ботафого» (Рио-де-Жанейро, 1953-64), «Корентианс» (Сан Паулу, 1965-68), «Атлетико» (Колумбия, 1968), «Фламинго» (Рио-де-Жанейро, 1968-69) ҳунарнамоӣ кардааст. Дар бозиҳои расмӣ 254 гол задааст. Ӯро ба унвони яке аз техникитарин, беҳтарин ва маҳбубтарин бозигарони таърихи футбол мешиносанд; беҳтарин ҳуҷумкунандаи самти рост дар таърихи футболи ҷаҳон хонда мешавад. Тибқи назарсанҷии Федератсияи байналмилалии таърих ва омори футбол Г. дар байни беҳтарин бозигарони ҷаҳон (дар садаи XX) мақоми 8 ва байни бозигарони беҳтарини Амрикои Ҷанубӣ ҷойи 4-умро ишғол мекунад. Г.-ро дар Бразилия пас аз Пеле дувумин бозигари таърихи футболи кишвар мешуморанд.

Адабиёт

• Гарринча // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.