Эмил Галле
| фр. Émile Gallé | |
 | |
| Таърихи таваллуд | 4 май 1846[1][2][3][…] |
| Зодгоҳ: | |
| Таърихи даргузашт | 23 сентябр 1904[1][2][4][…] (58 сол) |
| Маҳалли даргузашт | |
| Мамлакат: | |
 Парвандаҳо дар Викианбор | |
.svg){kind=small}
Эмил Галле (фр. Emil Gallé; 4 май 1846, Нанси — 23 сентябри 1904) — булӯрсоз ва кандакори фарансавӣ, намояндаи барҷастаи ҷунбиши ҳунари нав (фр. art nouveau).
Зиндагинома[вироиш | вироиши манбаъ]
Аз соли 1856 дар назди падараш Ш. Галле — Райнемер, ки роҳбари корхонаи шишаву сафоли шаҳри Нанси буд, кор кард. Барои мебелҳо ва маснуоти шишагиву сафолӣ ангораҳо сохт. Яке аз намояндагони асосии ҷараёни «флоралӣ» дар сабки модерни Фаронса буд. Соли 1901 ҳамроҳ бо Л. Мажорел ва Э. Валэн «мактаби Нанси»-ро бунёд гузошт. Пас аз марги падар (1874) коргоҳи шахсӣ боз кард. Аз ҳунарҳои ороишии исломӣ, чинӣ ва ҷопонӣ таҷриба омӯхт.
Осори ҳунарӣ[вироиш | вироиши манбаъ]
Дар осори Эмил Галле аҷобату назокати хатту шаклҳо бо сатҳи баланди иҷроиш тавъам буданд. Эмил Галле, ки ба биологияву энтомология шавқ дошт, истифодаи нақшҳои табиӣ (парвонаҳо, баргу гулҳо)-ро авлотар мешумурд. Барои ороиши маснуот кандакорӣ, хотамкории варақаи филиз, ҳаккокӣ ва зарҳалкориро истифода мебурд. Навпардозиҳои Эмил Галле барои рушди минбаъдаи санъати ороиши амалии Аврупо аҳаммияти хос доштанд. Чунончи, ӯ ба Намоишгоҳи байналмилалии Порис (1878) осори бо сабки «Нури маҳтобӣ» («clair-de-lune», шишаҳо бо оксиди кобалт ранг карда мешуд, ки ба он тобиши ёқути кабудро медод) иҷрошударо пешниҳод кард. Эмил Галле бо такя ба намунаҳои чинӣ услуби хотамкории шишаро низ равнақ дод. Дар охири солҳои 1880 ӯ корхонаи мебели хусусиашро боз кард. Ба мебелҳои Эмил Галле низ шаклҳои табиӣ (рустанӣ, ҳашарот) ва мураккаби ороиш: хотамкорӣ бо садаф, филиз, сангҳои нимгаронбаҳову навъҳои нодири чӯб хос аст. Аз соли 1897 ӯ хотамкорӣ бо садаф ё филиззи мебелро дар соҳаи шишакорӣ татбиқ карда, ба истилоҳ маркетри (хотамкорӣ)-и шишаро ба роҳ монд.
Эзоҳ[вироиш | вироиши манбаъ]
- ↑ 1.0 1.1 Bibliothèque nationale de France идентификатор BNF (фр.): платформаи додаҳои боз — 2011.
- ↑ 2.0 2.1 Emile Gallé (нидерл.)
- ↑ Charles Martin Emile Galle (фр.) — ministère de la Culture.
- ↑ Encyclopædia Britannica (ингл.)
- ↑ http://kulturnav.org/48c7e535-e4a7-4483-b542-5ae36580f4b5 — 2016.
- ↑ https://www.moma.org/artists/2058 (ингл.)
- ↑ RKDartists (нидерл.)
Адабиёт[вироиш | вироиши манбаъ]
- Сарабьянов Д. В. Модерн. М., 2001;
- Новая российская энциклопедия. Т. IV (1). М., 2008.
Сарчашма[вироиш | вироиши манбаъ]
- Галле Эмил // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.
 | ||||
|---|---|---|---|---|
| Фарҳангҳо ва донишномаҳо | ||||
| Таборшиносӣ ва некрополистика | ||||
| ||||
