Комиссияи марказии интихобот ва раъйпурсӣ дар Ҷумҳурии Тоҷикистон
Комиссияи марказии интихобот ва раъйпурсӣ (КМИР) ба системаи комиссияҳои интихоботии Ҷумҳурии Тоҷикистон роҳбарӣ мекунад, шахси ҳуқуқӣ ва мақоми доимоамалкунанда мебошад. Муҳлати ваколати Комиссияи марказии интихобот ва раъйпурсӣ 5 сол аст ва он ҳангоми интихоби ҳайати нави Комиссияи марказии интихобот ва раъйпурсӣ қатъ мегардад.
Комиссияи марказии интихобот ва раъйпурсӣ аз Раиси КМИР, муовин ва 13 нафар аъзо иборат аст. Раис, муовин ва аъзои Комиссияи марказии интихобот ва раъйпурсиро бо пешниҳоди Президенти Ҷумҳурии Тоҷикистон Маҷлиси намояндагон дар давоми се рӯзи баъди таъйин шудани интихобот интихоб мекунад.[1]
Раиси КМИР[вироиш | вироиши манбаъ]
23 феврал — Дар ҷаласаи Маҷлиси намояндагони Маҷлиси Олии Ҷумҳурии Тоҷикистон номзадии Шермуҳаммад Шоҳиён ба вазифаи раиси Кумитаи марказии интихобот ва раъйпурсӣ (КМИР)-и Ҷумҳурии Тоҷикистон тасдиқ карда шуд.[2]
Аъзоёни КМИР[вироиш | вироиши манбаъ]
Маҷлиси намояндагони Маҷлиси Олии Ҷумҳурии Тоҷикистон 9 декабри соли 2014, раис, муовин ва 13 узви нави Кумитаи марказии интихобот ва раъйпурсиро, ки аз ҷониби раисиҷумҳур Эмомалӣ Раҳмон пешниҳод шуданд, тасдиқ намуд. Ба мақоми раиси КМИР - Шермуҳаммад Шоҳиён ва муовиниаш - Зокиров Саидбой таъйин шуданд. Зокиров Саидбой, раҳбарии Иттифоқи касабаи вилояти Суғдро ба уҳда дорад.
Дар қатори 13 узви тасдиқшудаи КМИР аз ҷумла:
- Наимова Вера, дотсенти Донишгоҳи славянӣ, аз ҳисоби коммунистҳо,
- Азизова Моҳистон, директори мактаби рақами 98-и шаҳри Турсунзода аз ҳизби ҳокими ҲХДТ,
- Алиф Изатулло, муовини раиси Иттифоқи ҷавонони Тоҷикистон ва раиси Пойтахт 80,
- Ёрматова Олима, директори мактбаби рақами 38-и Сино, аз ҳизби сотсиалистҳо,
- Акбаралӣ Саттор, раиси Иттифоқи рузноманигорон,
- Нуралӣ Саидов, котиби Шурои ҳамоҳангсози ҷумҳурӣ, узви ҲХДТ,
- Зиё Раҳмон, муовини директори “Маркази тарзи ташаккули ҳаёти солим”-и Вазорати тандурустӣ аз ҳизби аграрӣ,
- Маҳмудов Ҷамолиддин, мушовири раиси ҲНИТ,
- Раҷабов Маҳмадёр, мудири кафедраи ҳуқуқшиносиии ДМТ, узви ҲХДТ,
- Шодмонбеков Юсуфбек, мушовири ректори Донишгоҳи шаҳри Хоруғ оид ба масоили ҳуқуқӣ, узви ҲХДТ,
- Ҷамшед Ҷамшедов, котиби илмии Институти фалсафа ва сиёсатшиносии Академияи улум,
- Файзова Муҳаббат, раиси ҷамоати шаҳраки Оби Киики ноҳияи Хуросон,
- Зоиров Муҳаммадборон, корманди Кумитаи сармоягузории Тоҷикистон номбар шуданд.[3]
Эзоҳ[вироиш | вироиши манбаъ]
- ↑ КМИР. Комиссия. Моддаи 11. Таъсиси Комиссияи марказии интихобот ва раъйпурсӣ. 11 марти 2015 санҷида шуд. Баргирифта аз сарчашмаи аввал 6 марти 2015.
- ↑ Маҷлиси намояндагон номзадии раиси нави КМИР-ро тасдиқ намуд(пайванди дастнорас)
- ↑ Парлумон 15 масъули нави КМИР-ро тасдиқ кард. 11 марти 2015 санҷида шуд. Баргирифта аз сарчашмаи аввал 22 марти 2015.