Сайфуддини Деҳлавӣ

Сайфуддини Деҳлавӣ

Сайфуддини Деҳлавӣ (? — 1592, Деҳлӣ) — шоир ва донишманди форсизабони Ҳиндустон, аз муридони шайх Амонуллоҳи Понипатӣ.

Зиндагинома

Гузаштагони Сайфуддини Деҳлавӣ аз Бухоро буда, баъдтар сокини Ҳиндустон шудаанд. Баробари Сайфуддини Деҳлавӣ падар ва писараш аз донишмандон ва мутасаввифони машҳури замон ба шумор мерафтанд. Сайфуддини Деҳлавӣ муриди Шайх Амонуллоҳи Понипатӣ будааст.

Сайфуддини Деҳлавӣ асарҳои манзум (ғазал, рубоӣ, қитъа, маснавӣ) ва мансур дар мавзӯоти фалсафӣ ва ирфонӣ эҷод кардааст, ки намунае аз онҳо дар тазкира ва манобеи дигари адабиву динӣ то замони мо расидааст.

Адабиёт

• Сайфуддини Деҳлавӣ // Плешко — Сақил. — Д. : СИЭСТ, 1986. — (Энциклопедияи Советии Тоҷик : [дар 8 ҷ.] / сармуҳаррир М. Д. Диноршоев ; 1978—1988, ҷ. 6).