Қадимии Наққош
Мавлоно Қадимии Наққош (қарни XV, Гелон — қарни XVI) — наққош ва шоири форс-тоҷик.
Зиндагинома[вироиш | вироиши манбаъ]
Давраи ҷавонии ӯ дар Гелон сипарӣ шуда, баъдтар барои такмили дониш ба шаҳрҳои Исфаҳону Шероз рафтааст. Аз илмҳои расмии замон (ҳандаса, кимиё, ҳисоб, ҳадис, тафсир, сарфу наҳв ва ғ.) огоҳӣ дошт. Наққошӣ пешаи ӯ будааст. Муаллифи тазкираи «Туҳфаи Сомӣ» аз хоксории ӯ тавсиф карда, табъи хуби шоирияшро месутуд. Қадимии Наққош дар навъҳои гуногуни адабӣ (ғазал, қасида, қитъа, рубоӣ ва ғ.) шеър гуфтааст. Ӯ худ девони ашъорашро бо тахаллуси «Қадимӣ» тадвин кардааст, аммо нусхае аз он дастрас нест.
Намунае аз як ғазали ӯ:
Дидаам рӯйеву ошиқ шуда ҷои аҷабе,
Рух намудаст маро боз балои аҷабе.
Чора дар ишқи ту ҷон доданам аз дарду ғам аст,
Турфа дардест диламрову давои аҷабе.
Эзоҳ[вироиш | вироиши манбаъ]
Адабиёт[вироиш | вироиши манбаъ]
- Қадимии Наққош / С. Дурманова // Косон — Қурбон. — Д. : СИЭМТ, 2023. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 11). — ISBN 978-99985-0-053-2.
- Соммирзои Сафавӣ. Туҳфаи Сомӣ. Д., 2018.