Инноватсия

Мавод аз Википедиа — донишномаи озод
Ҷаҳиш ба: новбари, Ҷустуҷӯи

Инноватсия - (аз калимаи англисии innovation) навоварии дар амал татбиқ гардидаест, ки афзоиши сифату рушди самаранокии истеҳсолот ё маҳсулоти бозорталабро таъмин мекунад. Он натиҷаи ниҳоии фаъолияти зеҳниву ақлонии инсон, самараи тахайюлу эҷод ва бозёфту кашфиёти ӯ мебошад. Мисоли рӯшани инноватсия ворид кардани маҳсулоти дорои мазмуни нави истифодабарӣ ё такмили сифату самаранокии истеҳсолоти мавҷуда аст.

Истилоҳ[вироиш]

Истилоҳи инноватсия, ки ҳарчанд онро имрӯзҳо хоси забони англисӣ медонанд, дар асл аз калимаи лотинии novatio – навсозӣ (ё худ, дигаргунсозӣ) ва пешоянди in – ба самти гирифта шуда, агар таҳтуллафзӣ баргандонем, innovatio – ба сӯи дигаргуниҳо мебошад.

Ҳарчанд мафҳуми innovation бори аввал дар пажӯҳишҳои илмии олимони асри ХIХ пайдо шуд, вале дар таҳқиқоти илмии олими австриягӣ Йозеф Шумперт дар солҳои аввали асри ХХ ин мафҳум мазмуни нав касб карда, чун натиҷаи ташхиси усулҳои инноватсионӣ ва тағирот дар рушди иқтисод қабул гардид. Дар зимн, на ҳамаи навгонию навоварӣ ё тағирот инноватсия буда метавонад; инноватсия он аст, ки сифату самаранокии соҳаи мавҷударо бамаротиб боло мебарад.

Навъҳои инноватсия[вироиш]

Инноватсия ба чанд навъ ҷудо мешавад:

  • технологӣ (заб.русӣ - Технологические инновации)
  • иҷтимои (заб.русӣ - Социальные инновации)  
  • хӯрокворӣ (заб.русӣ - Продуктовые инновации) 
  • идоракунӣ (заб.русӣ - Организационные инновации)
  • маркетингӣ (заб.русӣ - Маркетинговые инновации)[1] 

Яке аз онҳо навъи технологӣ аст, ки имрӯзҳо дар шакли технология ё технологияҳои инноватсионӣ низ мавриди истифода қарор гирифта. Технологияи инноватсионӣ - маҷмӯи усулу воситаҳоест, ки ба амалишавии навоварӣ мусоидат мекунад. Ҷараёнест, ки дар натиҷаи он маҳсулоти нав офарида мешавад.

Маҳсули технологияҳои инноватсионӣ ихтирои компютер аст, ки аллакай тайи чанд даҳсола дар зиндагии ҳар яки мо мавқеи хосе пайдо кардааст. Имрӯз қариб ҳамаи соҳаҳо аз компютер истифода мебаранд ва худи компютер ҳам, ки тавассути инноватсия ба вуҷуд омад, ба ҷузъи ҷудонопазири технологияҳои инноватсионӣ табдил ёфтааст.[2]

Манбаъ[вироиш]

  1. Иновация
  2. Инноватсия чист ва чӣ мехоҳад?