Муътабар Иброҳимова
| | |
| Таърихи таваллуд: | 3 январ 1930 |
| Зодгоҳ: | |
| Таърихи даргузашт | 8 май 2010 (80 сол) |
| Маҳалли марг: | |
| Касб: | ҳунарпеша |
| Ҷоизаҳо: |
 |
| IMDb: | ID 8022669 |
Муътабар Иброҳимова (2 январи 1930, Конибодом — 18 майи 2008, Хуҷанд) — ҳунарпешаи театр ва синамо, Ҳунарпешаи шоистаи ҶШС Тоҷикистон (1958), Ҳунарпешаи халқии ҶШС Тоҷикистон (1974).
Зиндагинома
[вироиш | вироиши манбаъ]Соли 1947 Омӯзишгоҳи мусиқии шаҳри Ленинободро ба итмом расонда, дар Театри мусиқӣ-мазҳакаи Ленинобод фаъолияти кориашро шурӯъ намуд ва чор даҳсола саҳнаашро обод кард. Эҳсосоти самимӣ ва табъи нозук имкон медоданд, ки симои қаҳрамононашро таъсирбахшу муассир офарад. Ҳама гуна образҳо — драмавӣ, фоҷиавӣ, мазҳакавӣ дар иҷрояш бо тамоми паҳлӯҳои бадеӣ ва хислатҳои фардиашон таҷассум меёфтанд.
Театр
[вироиш | вироиши манбаъ]«Равшан ва Зулхумор», «Нурхон», «Фарҳод ва Ширин», «Пӯлод ва Гулрӯ», «Модар нигарон буд», «Духтари кӯҳистон», «Гулсара», «Дили шоир», «Исёни арӯсон», «Супориши ЧК», «Отелло», «Рамаяна» муште аз хирвори намоишномаҳоанд, ки номбурда дар онҳо нақшҳои марказӣ бозидааст.
Синамо
[вироиш | вироиши манбаъ]Аз ҳунари волояш дар филмҳои тоҷикии «Вақте ки осиё бозмонд», «Ғуломони сарсахт», «Сандуқ барои арӯс», «Гирдоб», «Агар дӯст дорӣ» ва ғайраҳо ҳам баҳра бурдаанд. Бо овози дилкашу ширадор сурудҳои халқию классикиро накӯ адо менамуд. Ба бис¬ёр давлатҳои хориҷӣ дар ҳайати санъаткорони театр сафар намудааст.
Ҷоизаҳо
[вироиш | вироиши манбаъ]Бо ордени «Нишони Фахрӣ», медалҳо ва Грамотаҳои Президиуми Совети Олии Тоҷикистон сарфароз гардидааст.
Осор
[вироиш | вироиши манбаъ]- Театр — маънои умри ман, Хуҷанд, 1999 (ҳаммуалиф).
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.