Қорӣ Каромати Дилкаш
(Тағйири масир аз Қорӣ Каромати Дилкаши Танбурӣ)
| Таърихи таваллуд | 1851 |
|---|---|
| Таърихи даргузашт | 1905 |
| Пеша(ҳо) | мусиқидон, шоир |
Қорӣ Каромати Дилкаш (1851—1905) — мусиқидон, танбӯрӣ ва шоири тоҷик.
Зиндагинома
[вироиш | вироиши манбаъ]Дилкаш дар шеъру мусиқӣ шогирди Аҳмади Дониш аст. Дар аҳди Аҳмад-махдум ва баьд аз он ба ҳурмат зиндагонӣ мекард. Марди озодалибос, нозукмизоҷ ва ҳуртабиат буд. Мардуми Бухоро бинобар камоли таваққуфаш дар мусиқӣ нози ӯро ба ҷои ниёз қабул карда, ба хурсандии хотираш мекӯшиданд.
Амир Абдулаҳадро ба тарзи ҳаёти Дилкаш рашк омада, вайро мулозими рикоб карда, аз зиндагонии озодонааш маҳрум сохт. Бечора Дикаш соле ба хориву зории дарбори амир базърӣ муқовамат намуда, оқибат ба бемории силӣ гирифтор омада, вафот ёфт. Тазкиранависони муосираш мисли Афзал ва Муҳтарам мумоилайҳиро «бинобар худписандиаш аз умр бархурдор нашуда мурд» гуфта қайд кардаанд (барои хушомади амир).
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Садриддин Айнӣ. Намунаи адабиёти тоҷик, Д., 2010.