Мулкак

Мулкак
Табақабандии илмӣ
рутбаҳои мобайнӣ Домен: Эукариотҳо Олам: Наботот Шоха: Гулдорон Синф: Дупаллаиҳо Забартартиб: Rosanae Тартиб: Боқиласонон Оила: Лубиёиҳо Зероила: Боқилоиҳо Триба: Fabeae Ҷинс: Lathyrus Гуна: Мулкак
Номи байнулмилалии илмӣ
Lathyrus mulkak Lipsky
Сомонашиносӣ дар Викигуна Ҷустуҷӯи тасвир дар Викианбор NCBI   1276785 EOL   645461 IPNI   501870-1 TPL   ild-35685

Мулкак (лот. Lathyrus mulkak) — гиёҳи бисёрсолаест аз оилаи лубиёиҳо.

Тавсифоти гиёҳшиносӣ

Баландиаш 65—120 сантиметр; пояаш сершохча, баргаш мураккаб (аз 2— 4 ҷуфт баргчаҳо иборат), хӯшагулаш 2—6-гула, гулаш калони сурх ё бунафши сурхтоб, гилофакаш 4— 6-тухма, тухмаш қаҳваранги холдор.

Моҳҳои май—сентябр гулу мева мекунад.

Густариш

Растании хоси (эндеми) Помиру Олой аст. Дар бешаи паҳнбарг, арчадор, дашт, алафзор, урану торонзор, нишебиҳои регу санглох ва ғайра (1200—3000 метр аз соҳили баҳри), асосан дар қаторкӯҳҳои Зарафшон, Ҳисору Дарвоз мерӯяд.

Корбурд

Мулкакро гову асп нағз мехӯранд. Дар таркибаш (дар айёми гул) 0,67% қанди ҳалшаванда, 6,51% гемиселлюлозаҳо, 26,75% сафеда, 26,75% протеин, 1,48% равган, 9 мг% каро­тин (провитамини А) ва ғайра дорад. 100 килограмм хошоки мулкак 21,13 кгилограмм протеини ҳозим дошта, 82,79 воҳиди хӯрокӣ мебошад. Дони мулкакро ҷӯшонида ба таом меандозанд.

Адабиёт

• Флора Таджикской ССР, т. 5, Л., 1978.

Сарчашма

• Энциклопедияи Советии Тоҷик : [дар 8 ҷ.] / сармуҳаррир А. С. Сайфуллоев. — Д. : СИЭСТ, 1978—1988.