Сохти таркибии пешояндҳо

Пешояндҳо аз ҷиҳати сохт ба 6 гурӯҳ ҷудо мешаванд:

1.Пешояндҳои аслии сода: аз,ба, дар, бо, то, бе, ҷуз, баҳри, барои;

2.Пешояндҳои аслии таркибӣ: то ба, ҷуз аз, ба ҷуз;

3.Пешояндҳои номии изофии сода: пеши, назди, рӯйи, паси, ғайри;

4.Пешояндҳои номии изофии таркибӣ: ба пеши, аз назди, дар бораи, ба муносибати;

5.Пешояндҳои номии изофии такрор: лаб-лаби, пеш-пеши, рӯ-рӯйи, таг-таги;

6.Пешояндҳои номии ғайриизофӣ:пеш аз, баъд аз, ғайр аз, назар ба, доир ба.

Мисолҳо[вироиш | вироиши манбаъ]

Дар ин диёр ҳаво зуд торик мешудааст (Фазлиддин Муҳаммадиев).
Вай ба ҷуз як ҷуфт барзагов ва як таноб замин чизи дигаре надошт (Абдусалом Деҳотӣ).
Вай ҷаҳида хесту назди машина омада истод (Пӯлод Толис).
Хизматгор чой, дастурхон ва як табақ қазии яхниро бо корд оварда, ба рӯйи сандалӣ ниҳод (Садриддин Айнӣ).
Пеш-пеши ҳама Сквортсов мерафт (Пӯлод Толис).
Шӯробиҳои дастгиршударо пеш аз ба вагон зада фиристодан ба як хона дароварда буданд (Раҳим Ҷалил).