Ҳарриет Бичер Стоу

Аз Википедиа
Ҷаҳиш ба: новбари, Ҷустуҷӯи
Ҳарриет Бичер Стоу
Harriet Beecher Stowe - Project Gutenberg eText 16786.jpg
Зодрӯз 14.6.1811
Зодгоҳ Личфилд
Даргузашт 1.7. 1896
Пеша нависанда, педагоги амрикоӣ


Ҳарриет Бичер Стоу

Ҳарриет Бичер Стоу - Harriet Elizabeth Beecher Stowe, (14 Июн, 18111 Июл, 1896) нависандаи беш аз 10 китобҳо мебошад.

Ҳарриет Бичер Стоу (14.6.1811, Личфилд – 1.7. 1896, Флорида), нависанда, педагоги амрикоӣ.

Зиндагинома[вироиш]

Аз оилаи рӯҳонӣ. Дар оилаашон ҳама мардон рӯҳонӣ буданд, худи Бичер-Стоу ҳам ба профессори. фиқҳу илоҳиёти насронӣ К. Стоу ба шавҳар баромад.

Осор[вироиш]

Масъалаи ғуломдорӣ дар Амрико ӯро мутаваҷҷеҳ сохта буд ва ба ҳар василае барои аз байн бурдани он мубориза мебурд. Махсусан, романаш «Кулбаи Томамак» (1982; тарҷ. тоҷикиаш 1959) барои аз байн бурдани ғуломдорӣ замина муҳайё кард. Дар ҳаёти ҷамъиятии Амрико ин асар таъсири зиёде дошт ва он дар тамоми ҷаҳон машҳур гардид. Президенти ИМА А. Линколн Бичер-Стоуро «зани хурди сабабгори ҷанги калон» (Ҷанги шаҳр­вандӣ дар ИМА 1861–65) ном бурдааст. Соли 1853 Бичер-Стоу ба романи «Кулбаи Томамак» тафсире бо номи «Калиди кулбаи Томамак» навишт, ки дар он санадҳои бисёреро оид ба ғуломдорӣ дастраси ҷомеа кард. Дар романи «Дред, қиссаи ботлоқи наҳс» (1856) боз ҳам ба масъалаи ғуломдорӣ таваққуф намудааст, вале ӯ нависандаест насиҳатгар, пандомӯз. Аз пешниҳоди роҳи зӯрӣ ва инқилобии ҳалли масъалаи ғуломдорӣ худдорӣ кардааст. Бичер-Стоу инчунин муаллифи якчанд романи дигар ва памфлети «Ба дастгирии леди Байрон» (1870) мебошад, ки дар он рафтори завҷаи Байронро, ки аз ӯ ҷудо шуда буд, маъқул шуморидааст.

Адабиёт[вироиш]

Орлова Р. Д. Г. Бичер-Стоу: Очерк жизни и творчества. М., 1971.

Манбаъ[вироиш]

Энсиклопедияи миллии тоҷик, ҷилди 2