Абдулҳақи Деҳлавӣ

Мавод аз Википедиа — донишномаи озод
Jump to navigation Jump to search
Абдулҳақи Деҳлавӣ
араб. عبد الحقّ الدِهْلَوِي
Иттилооти инфиродӣ
Касб, шуғл:

муҳаддис

Санаи таваллуд:

1 январ 1551

Зодгоҳ:
Санаи марг:

19 июн 1642(1642-06-19) (91 сол)

Маҳалли марг:
Эътиқод:

Ислом

Осор:
Wikidata-logo S.svg Вироиши Викимаълумот

Абдулҳа́қи Деҳлавӣ ибни Сайфуддини Деҳлавии Бухороии Туркӣ (тақрибан 1551, Деҳлӣ, – 1642, ҳамон ҷо) — суфии маъруф, шоир, муаррихи таърихи ислом ва ҷуғрофидон.

Зиндагинома[вироиш]

Гузаштагони ӯ аз Бухоро ба Деҳлӣ рафтаанд. Абдулҳақи Деҳлавӣ суфимаслак буда, пайрави тариқати қодирия будааст. Вай соли 1587 ба ҳаҷ рафта пас аз бозгашт соли 1642 дар Деҳлӣ фавтид. Оромгоҳаш дар он ҷост.

Таълифот[вироиш]

Абдулҳақи Деҳлавӣ аз зумраи донишмандон ва таҳиягарони пурмаҳсулест. Вай бештар аз 100 таълифот дар улуми мухталиф дорад. Муҳимтаринашон инҳоанд: «Ахбор-ал-ахёр» (тарҷумаи ҳол ва маноқиби аҳли тасаввуф ва ин рисола таҳти унвони «Тазкираи мусаннифини Деҳлӣ» соли 1929 дар Ҳайдаробод ба чоп расид.); «Зикр-ул-мулук» ё «Таърихи Ҳаққӣ» – таърихи сиёсӣ, иҷтимоӣ ва низомии темуриёни Ҳинд; «Ҷазб-ул-қулуб ила диёр-ил-маҳбуб» – рисола дар бахши таърих, география ва муҳити табиии ш. Макка; «Мадориҷ-ун-нубувва» – дар баёни таърихи Паёмбари ислом; дар асл ин асар тафсирест бар китоби «Суфар-ас-саъда ал-Фирӯзободӣ» ва дар Ҳиндустон чандин бор ба чоп расидааст; рисолаи «Аҳволи аиммаи исно ашъара» дар баёни таърихи аимма ва ислом буда, бар пояи китоби «Фасл-ул-хитоб» -и Муҳаммад Порсо навишта шудааст.

Эзоҳ[вироиш]

Сарчашма[вироиш]