Адриатика

Мавод аз Википедиа — донишномаи озод
Jump to navigation Jump to search

Адриатика (италиявӣ Mare Adriatico) — баҳри нимкушодаи Уқёнуси Атлантик, қисме аз Баҳри Миёназамин. Дар байни нимҷазираҳои Апеннин ва Балкан воқеъ аст. Адриатикаро гул. Отранто бо Баҳри Ион мепайвандад. Соҳилҳои Италия, Словения, Хорватия, Югославия ва Албанияро фаро гирифтааст. Бараш аз 93 то 222 км. Масоҳаташ 144 ҳазор км2. Чуқурии миёнааш 250 м, ҷойи жарфтаринаш то 1589 м. Аз се тараф бо кӯҳҳои Апеннин, Алп ва Динор иҳота шудааст. Дар Шимимол Ғарб ва Ғ. соҳилҳояш паст ва ҷо-ҷо мурдобҳо дорад. Ҷазҳои калонтарин: Корчула, Хвар ва Брач. Халиҷҳои калони адриатика: Триест, Венетсия ва Манфредония. Иқлимаш аз Баҳри Миёназамин каме фарқ карда, дар он бодҳои маҳаллӣ (бора, сирокко, мистрал), ки ба ҳарорати ҳаво таъсири бештар доранд, мевазанд. Зимистонаш сербориш. Ҳарор. об дар августи аз 24 то 26°С, феврал аз 7 то 13°С. Шӯриаш 30 – 38%. Моҳидорӣ (сардина, скумбрия ва дигарон), шикори лангуст тараққӣ кардааст. Бандарҳои асосиаш: Триест, Венетсия, Анкона, Бари (Италия); Риска, Шибеник, Силит, Дубровник (Хорватия); Котор (Югославия); Дуррес, Влёра (Албания). Дар соҳилҳояш фароғатгоҳҳои сершумор ҷойгиранд.

Эзоҳ[вироиш]

Сарчашма[вироиш]