Айшвария Рай

Мавод аз Википедиа — донишномаи озод
Jump to navigation Jump to search
Айшвария Рай
Шаблон:Lang-tcy
англ. Aishwarya Rai
Айшвария Рай дар соли 2011
Айшвария Рай дар соли 2011
Ном ба ҳангоми таваллуд:

Айшвария Кришнараҷ Рай

Санаи таваллуд:

1 ноябр 1973(1973-11-01)[1] (45 сол)

Мамлакат:
Соядаст:

Signature of Aishwarya Rai Bachchan.svg

Commons-logo.svg Айшвария Рай дар Викианбор

Айшвария Рай Баччан (Шаблон:Lang-tcy [əjɕʋərjaː rəj], ҳиндӣ: ऐश्वर्या राय, англ. Aishwarya Rai Bachchan; тав. 1 ноябри соли 1973, Мангалур, Карнатака, Ҳиндустон) — ҳунарпешаи синамои Ҳиндустон ва барандаи ҷоизаи озмуни «Бонуи ҷаҳон» (русӣ: «Мисс Мира») дар соли 1994 аст. Ҷоизадори мукофоти давлатии Ҳиндустон «Падма Шри» (2009) ва афсари ордени франсавии соҳаи мусиқӣ ва адабиёт (2012).

Зиндагинома[вироиш]

Айшвария Рай дар шаҳри Манаглур дар ҷануби Ҳиндустон ба дунё омадааст. Падараш афсари киштаҳои дарёнавардӣ Кришнарай Рай ва модараш нависанда Вринда Рай буд. Ниёконаш аз мардуми бунти Мангалур буданд, вале хонаводааш пас аз таваллудаш ба Мумбай кӯчидаанд. Забони модарии Айшвария Рай тулу аст вале забонҳои ҳиндӣ, англисӣ, конодо, маратҳӣ ва тамилиро низ ба хубӣ медонад.

Дар хурдсолӣ мусиқӣ ва рақси суннатии ҳиндиро омӯхта ва дар Мумбай дар дабистони Arya Vidya Mandir high school таҳсил карда аст. Сипас дар Jai Hind College ва Ruparel College таҳсил мекунад ва донишҷӯи риштаи меъмории донишгоҳ мешавад. Ҳангоми таҳсил манекенӣ низ мекунад ва ҳамин пеша ӯро ёрӣ медиҳад ки барандаи ҷоизаи озмуни «Бонуи ҷаҳон» (заб. русӣ «Мисс Мира») дар соли 1994 шавад. Аз ин пас ӯ яке аз маъруфтарин манекенҳо мешавад ва бо ширкати Pepsi ва маҷаллаи Vogue Magazine ҳамкорӣ мекунад.

Айшвария Рай 30 апрели 2007 бо Абҳишек Баччан издивоҷ кард ва арӯси хонаводаи ҳунарпешаи машҳур Амитабҳ Баччан шуд. Соли 2011 ӯ духтаре таваллуд кардааст

Ҳунарнамоӣ дар синамо[вироиш]

Айшвария нахустин нақшашро соли 1997 дар филми «Iruvar» офаридааст. Мунаққидон нахустин ҳунарнамоияшро чандон хуш напазируфтанд, вале дувумин нақшаш дар ҳамон сол дар филми «Aur Paar Ho Gaya» (русӣ: «Влюбленный самозванец») ӯро барандаи ҷоизаи беҳтарин дебютант кард. Соли 2000 Айшвария барандаи ҷоизаи беҳтарин бозигари зан барои иҷрои нақш дар филми «Hum Dil De Chuke Sanam» (русӣ: «Навеки твоя») шуд. Соле пас ӯро барои дарёфти ҷоизаи беҳтарин бозигар барои иҷрои нақши Satish Kaushik дар филми «Hamara Dil Aapke Paas Hai» (русӣ: «Любовь в награду») (2001) номзад карданд. Соли 2002 Айшвария дар пурбинандатарин филми Болливуд «Devdas» дурахшид. Вай дар соли 2003 яке аз доварони Ҷашнвораи синамои Канн буд. Ҳамон сол буд, ки Айшвария бо ширкати L’Oreal паймони ҳамкорӣ баст ва дар таблиғи фаровардаҳои Coca-Cola ва ҷавоҳироти DeBeers ширкат кард.

Забондонии Айшвария Рай ба ӯ ёрӣ дод, ки дар филмҳое ба забонҳои ҳиндӣ, банголӣ, тамилӣ ва англисӣ ҳунарнамоӣ кунад ва то кунун дар 45 филм нақш офарад.


Эзоҳ[вироиш]