Гайдамакҳо

Мавод аз Википедиа — донишномаи озод
Jump to navigation Jump to search
Урдугоҳи Гайдамакҳо

Гайдамакҳо (тур. haydamak — рондан), иштирокчиёни ҳаракати халқии озодихоҳӣ дар Украина бар зидди зулми миллию динӣ. Ҳаракати Гайдамакҳо дар даҳсолаи 2-юми асри 18 дар Волин ва Подолияи Ғарбӣ cap зада, сипас дигар ноҳияҳои Украинаро фаро гирифт. Дастаҳои Гайдамакҳо аз деҳқонон, казакҳои камбағали Запорожия, батракҳо, ҳунармандон иборат буданд. Ба ғайр аз украинҳо дар дастаҳо белорусҳо, полякҳо, молдавиҳо, русҳо, казакҳои Дон низ буданд. Ҳаракати Гайдамакҳоро деҳқонон ва казакҳои як қисми Украина, ки ба ҳайати Россия дохил буд, дастгирӣ карданд. Россияи подшоҳӣ дар пахш кардани ҳаракат фаъолона иштирок намуд. Дар с-ҳои 1734, 1750, 1768 ҳаракати Гайдамакҳо ба шӯришҳои калони халқӣ табдил ёфт. Хусусан шӯриши с. 1768 пурзӯр буд. Дар солҳои Ҷанги шаҳрвандии 1918—20 миллатчиёни буржуазияи украин аз шӯҳрати дар байни халқ дощтаи Гайдамакҳо истифода карда, отрядқои худро Гайдамакҳо номиданд.

Энсиклопедияи Советии Тоҷик Мақола дар асоси маводи Энсиклопедияи Советии Тоҷик навишта шудааст.