Давлатҷон Муқимов
| Давлатҷон Муқимов | |
| Ном ба ҳангоми таваллуд | Наимҷон |
| Таърихи таваллуд | 19 апрел 1948 (76 сол) |
| Зодгоҳ | Бохтар |
| Кишвар |
 Тоҷикистон |
| Пеша(ҳо) | сарояндаи тоҷик |
| Ҷоизаҳо | Ҳофизи халқии ҶШС Тоҷикистон (1978) |
Давлатҷон Муқимов (тав. 19.04.1948, ш. Қӯрғонтеппа (ҳоз. шаҳри Бохтар) — сарояндаи тоҷик, Ҳофизи халқии ҶШС Тоҷикистон (1978). Аз ҷавонӣ Муқимов дар маҳфилҳои ҳаваскорони санъат иштирок намудааст. С. 1963-1965 роҳбари бадеии дастаи ҳаваскорони санъати Боғи маданият ва истироҳатии ш. Қӯрғонтеппа, 1965-1974 роҳбари бадеии дастаи ҳаваскорони санъати ҷамъияти матлубот ва 1974-1981 Хонаи маданияти ш. Қӯрғонтеппа, 1981-1886 сарояндаи Театри драмаи мусиқии Қӯрғонтеппа буд. Аз соли 1986 методисти Хонаи маданияти к-зӣ онвақтаи ба номи М. Горкий н. Коммунистӣ шуда кор кардааст. Барномаҳои консертиашро бештар сурудҳои ишқию лирикӣ ва ватандӯстӣ ташкил медиҳанд. Ба сабки ҳофизии Акашариф Ҷӯраев бештар пайравӣ намудааст: («Ҷӯраҷонам», «Ёр гулсумане», «Алла», «Чорзарб» ва ғайра). Лауреати азназаргузарониҳои ҷумҳуриявии эҷодиёти халқ (Бӯстон – 1 ва 2). Бо Грамотаи Фахрии Президиуми Совети Олии ҶШС Тоҷикистон мукофотонида шудааст.[1]
Эзоҳ
[вироиш | вироиши манбаъ]- ↑ Обидпур Ҷ. Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С.237. – 480 с. ISBN 978-999-47-43-90-2(тоҷ.)