Мардуми Хитон ё Хитой ё Хутан (чиниисунатӣ:契丹, пинйин: qìdān) — вилояти таърихӣ аз бахшҳои шимолӣ ва шимоли ғарбии Чин будааст. Ин ном гаҳгоҳ мутародиф бо мамлакати Чин омадааст. Бар асоси китоби «Таърихи муғул» асари Аббос Иқболи Оштиёнӣ, «Хато», яъне Чини Шимолӣ.
Дар авохири қарни шашуми ҳиҷрӣ, Осиёи Шарқӣ ва савоҳили уқёнуси Кабир, яъне ду кишвари кура ва Чини аслӣ байни ду силсила тақсим мешудааст: яке силсилаи Кин (1115—1234), ки давлатдорони як даста зардпустони манчу буданд, ки бар Хато, яъне Чини Шимолӣ тасаллут дошта ва нисбат ба чиниҳо қавми хориҷӣ ба шумор меомаданд ва пойтахти ин силсила шаҳри Койфанг буд ва силсилаи дигар силсилаи Сунг буд, ки аз чиниҳои аслӣ буданд ва бар Чини Ҷанубӣ ҳукумат мекарданд.[
